മോസ്കോ: ലോക രാജ്യങ്ങള് അടക്കം ഭീതിയോടെ കണ്ട കൗമാരക്കാരെ ആത്മഹത്യ ചെയ്യാന് പ്രേരിപ്പിക്കുന്ന ബ്ലൂവെയില് ഗെയിമിന്റെ അഡ്മിനായ 17 കാരി അറസ്റ്റിലായി. 50 ടാസ്കുകള് പൂര്ത്തിയാക്കിയില്ലെങ്കില് ഗെയിം കളിക്കുന്നവരുടെ ജീവനെടുക്കുമെന്ന ഭീഷണി ഉയര്ത്തിയ ഇവരെ കിഴക്കന് റഷ്യയില് നിന്നാണ് പിടികൂടിയത്.
ബ്ലൂവെയ്ല് ചാലഞ്ചിന്റെ അഡ്മിന് സ്ഥാനത്ത് ഇതാദ്യമായാണ് ഒരു പെണ്കുട്ടി പിടിയിലാകുന്നത്. ഇവരുടെ വീട്ടില് നടത്തിയ തിരച്ചിലില് ഗെയ്മിന്റെ നിര്മ്മാതാവ് ഫിലിപ് ബുഡെയ്കിന്റെ ഫോട്ടോയും ചലഞ്ച് പൂര്ത്തിയാക്കി പലരും അയച്ച ചിത്രങ്ങളും കണ്ടെത്തിയിട്ടുണ്ട്. മിക്ക ഫോട്ടോകളും ശരീരത്തില് ബ്ലേഡു കൊണ്ട് മുറിച്ചതിന്റെയാണ്. പെണ്കുട്ടിയെ വിശദമായി ചോദ്യം ചെയ്യുകയാണെന്ന് പൊലീസ് അറിയിച്ചു.
Discussion about this post