തിരുവനന്തപുരം: സംസ്ഥാനത്തെ ബാറുകളുടെ ദൂരപരിധി 200 മീറ്ററില് നിന്ന് 50 മീറ്ററായി വെട്ടിക്കുറച്ച് സര്ക്കാര് ഉത്തരവ്. ആരാധനാലയങ്ങളിലും സ്കൂളുകളിലും നിന്ന് 50 മീറ്ററിന് അപ്പുറത്ത് ഇനിമുതല് ബാറുകള്ക്ക് പ്രവര്ത്തിക്കാം. ഫോര് സ്റ്റാര്, ഫൈവ് സ്റ്റാര്, ഹെറിറ്റേജ് ബാറുകള്ക്കാണ് ഇളവ് അനുവദിച്ചിട്ടുള്ളത്.
ത്രീസ്റ്റാര് ബാറുകള്ക്കുള്ള ദൂരപരിധി 200 മീറ്ററായി തുടരും. ചൊവ്വാഴ്ചയാണ് ഇത് സംബന്ധിച്ച ഉത്തരവ് തയാറായതെന്നാണ് വിവരങ്ങള്. എന്നാല് ഉത്തരവ് പ്രാബല്യത്തില് വരുന്നത് പിന്നീടായിരിക്കുമെന്നാണ് സൂചന.
2011ലാണ് ആരാധനാലയങ്ങളുടെ ദുരപരിധി 200 മീറ്ററായി നിശ്ചയിച്ചത്. ഫോര് സ്റ്റാറിന് മുകളിലുള്ള ബാറുകള്ക്കാണ് ദൂരപരിധിയില് ഇളവ്.
Discussion about this post