രാജീവ് ചന്ദ്രശേഖര്‍ താമര വിരിയിക്കും; വിജയിക്കുക അരലക്ഷത്തിലധികം വോട്ടിന്; മൂന്നാം സ്ഥാനത്തേക്ക് തരൂർ; റിപ്പോര്‍ട്ടുകള്‍ പറയുന്നത് ഇങ്ങനെ

തിരുവനന്തപുരം: തിരുവനന്തപുരത്ത് ബിജെപി സ്ഥാനാര്‍ത്ഥി രാജീവ് ചന്ദ്രശേഖര്‍ ജയിക്കുമെന്ന് കേന്ദ്ര സംസ്ഥാന രഹസ്യാന്വേണ വിഭാഗങ്ങളുടെ റിപ്പോര്‍ട്ട്. വോട്ടിംഗ് ശതമാനം കുറഞ്ഞത് ശശി തരൂരിനെ ആണ് ഇത്തവണ ബാധിച്ചിരിക്കുന്നത്. അതുകൊണ്ട് തന്നെ ഇത്തവണത്തെ തിരഞ്ഞെടുപ്പില്‍ തരൂർ മൂന്നാം സ്ഥാനത്തേക്ക് പോകുമെന്നാണ് റിപ്പോര്‍ട്ട് പറയുന്നത്.

കഴിഞ്ഞ തവണ 10.10 ലക്ഷം വോട്ടു പോള്‍ .ചെയ്തിരുന്ന സ്ഥാനത്ത് ഇത്തവണ 9.50 ലക്ഷം വോട്ടാണ് രേഖപ്പെടുത്തിയിരിക്കുന്നത്. 66.46 ശതമാനം വോട്ടിഗ് ആണ് രേഖപ്പെടുത്തിയത്. 7.23 ശതമാനം വോട്ടിന്റെ കുറവാണ് ഉണ്ടായത്.

2019 ലെ തിരഞ്ഞെടുപ്പില്‍ ഒരുലക്ഷത്തിനടുത്ത്‌ വോട്ടിന്റെ ഭൂരിപക്ഷത്തിനാണ് തരൂർ എംപി ആയത്. രണ്ടാം സ്ഥാനത്ത് എത്തിയത് ബിജെപിയുടെ കുമ്മനം രാജശേഖരന്‍ ആണ്. 4.16 ലക്ഷം വോട്ട് തരൂർ നേടിയപ്പോൾ 3.16 ലക്ഷം വോട്ടുകള്‍ കുമ്മനം നേടിയിരുന്നു.
63,472 കന്നി വോട്ടര്‍മാരാണ് ഇത്തവണ ഉണ്ടായിരുന്നത്. അവരില്‍ 80 ശതമാനത്തിലധികം പേരും വോട്ടു രേഖപ്പെടുത്തിയിരുന്നു. കഴക്കൂട്ടം (13143), നേമം (12815), തിരുവനന്തപുരം (10205), പാറശ്ശാല (4722), നെയ്യാറ്റിന്‍കര ( 5795), കോവളം ( 8636) വട്ടീയൂര്‍ക്കാവ് (8156) മണ്ഡലങ്ങളിലാണ് കൂടുതല്‍ പുതിയ വോട്ടര്‍മാര്‍. ഇവയെല്ലാം ബിജെപിക്കു സ്വാധീനമുള്ള മണ്ഡലങ്ങളാണ്. പുതിയ വോട്ടര്‍മാരില്‍ 60 ശതമാനം വോട്ടും ബിജെപിക്കു ലഭിക്കുമെന്നാണ് റിപ്പോര്‍ട്ട്.

ഈ തിരഞ്ഞെടുപ്പില്‍ വോട്ട് ചെയ്തവരില്‍ അര ലക്ഷം പേരും പുതിയ വോട്ടര്‍മാരാണ്. അതായത്‌, കഴിഞ്ഞ വര്‍ഷം വോട്ടു ചെയ്തവരില്‍ 9 ലക്ഷം പേരുമാത്രമാണ് ഇത്തവണ വോട്ട് ചെയ്തത് എന്ന് ചുരുക്കം. ഇത്തവണ വോട്ട് ചെയ്യാത്തവരില്‍ 80 ശതമാനവും (88000) തരൂരിന് ലഭിക്കേണ്ട വോട്ടുകള്‍ ആയിരുന്നു. ഈ കണക്കില്‍ മാത്രം നോക്കുമ്പോള്‍ 3.28 ലക്ഷം വോട്ടുകള്‍ ആയി തരൂരിന് കുറഞ്ഞിട്ടുണ്ട് .

കഴിഞ്ഞ തവണ തരൂരിന് വോട്ട് ചെയ്തവരില്‍ 10 മുതൽ 15 ശതമാനം വരെ ആളുകൾ (40000 മുതൽ 60000 വരെ) ഇത്തവണ രാജീവ് ചന്ദ്രശേഖറിനാണ് വോട്ടു ചെയ്തിരിക്കുന്നത്. അങ്ങനെ വരുമ്പോള്‍ കോണ്‍ഗ്രസ് വോട്ട് 2.78 ലക്ഷ (3.28 ലക്ഷം- 60,000)ത്തിനും 2.98 ലക്ഷ(3.28 ലക്ഷം- 40,000)ത്തിനും ഇടയ്‌ക്കാകും.

ബിജെപിയുടെ(11,000) 10 ശതമാനം വീതം വോട്ടും പലകാരണങ്ങളാല്‍ ചെയ്തിട്ടില്ല. ഇങ്ങനെ നോക്കുമ്പോള്‍ ബിജെപി വോട്ട് 3.45 ലക്ഷ( 3.05 ലക്ഷം + 40000) ത്തിനും 3.65 ലക്ഷ(3.05 ലക്ഷം+ 60,000)ത്തിനും ഇടയിലാകും.സിപിഐ വോട്ട് 2.79 ലക്ഷ(2.59 ലക്ഷം + 20,000) ത്തിനും 2.99 ലക്ഷ(2.59 ലക്ഷം+ 40,000)ത്തിനും ഇടയിലാകും.