വടക്കു കിഴക്കന് സംസ്ഥാനമായ ത്രിപുരയിലെ ഉനകോടി ജില്ലയിലെ കൈലാഷഹര് സബ്ഡിവിഷനിലാണ് ഉനകോടി എന്ന തീര്ത്ഥാടന കേന്ദ്രം സഞ്ചാരികളെ കാത്തിരിക്കുന്നത്.ഇന്ത്യയിലെ പ്രമുഖ ശൈവ തീര്ഥാടന കേന്ദ്രം എന്ന് വിശേഷണം. ഏഴാം നൂറ്റാണ്ടിനും ഒന്പതാം നൂറ്റാണ്ടിനും ഇടയില് രൂപപ്പെട്ട തീര്ഥാടന കേന്ദ്രമായാണ് ഉനകോട്ടി അറിയപ്പെടുന്നത്.
ഹൈന്ദനവ വിശ്വാസവുമായി ബന്ധപ്പെട്ട് പല കഥകളാണ് ഉനകോടിയെ സംബന്ധിക്കുന്ന ധാരാളം ഐതിഹ്യങ്ങളും കഥകളും നിലവിലുണ്ട്. ശിവശാപമേറ്റ 99,99,999 ദൈവങ്ങള് ഒരിക്കല് ശിവന് താനുള്പ്പെടെയുള്ള ഒരുകോടി ദേവന്മാരോടും ദേവതകളോടുമൊപ്പം കാശിക്ക് പോവുകയായിരുന്നു. വഴിമധ്യേ ഈ സ്ഥലത്ത് അവര് വിശ്രമിക്കാനിരുന്നു. സൂര്യാസ്തമയത്തിനു മുന്പേ എഴുന്നേറ്റ് കാശിയിലേക്കുള്ള യാത്ര തുടരണം എന്ന ധാരണയിലായിരുന്നു അവര് വിശ്രമിച്ചത്. എന്നാല് രാവിലെ എഴുന്നേറ്റ ശിവന് കണ്ടത് ഉറങ്ങിക്കിടക്കുന്ന മറ്റുള്ളവരെയാണ്. കോപം വന്ന ശിവന് അവര് കല്ലായി പോകട്ടെ എന്നു ശപിച്ചു. അങ്ങനെ ശിവനൊഴികെ ബാക്കിയുള്ള 99,99,999 പേരുടെ രൂപങ്ങള് അങ്ങനെ വന്നതാണെന്നാണ് ഒരു വിശ്വാസം.
ഇരുമ്പുപണിക്കാരനു കിട്ടിയ ശാപമാണ് എന്നാണ് മറ്റൊരു കഥ. കല്ലു എന്നു പേരായ കൊല്ലപ്പണിക്കാരന് ഒരിക്കല് ശിവനോടും പാര്വ്വതിയോടുമൊപ്പം കൈലാസത്തില് താമസിക്കണമെന്ന് ആഗ്രഹം തോന്നി. ഇത് ശിവനെ അറിയിച്ചപ്പോള് അദ്ദേഹം ഒരു പന്തയത്തില് ജയിക്കുകയാണെങ്കില് ആഗ്രഹം സാധിച്ചു തരാം എന്നു പറഞ്ഞു. ഒറ്റ രാത്രി കൊണ്ട് ശിവന്റെ ഒരുകോടി രൂപങ്ങള് നിര്മ്മിക്കണമെന്നായിരുന്നു പന്തയം. പന്തയം ഏറ്റെടുത്ത കല്ലു പണി തുടങ്ങി. രാവിലെ എണ്ണി നോക്കിയപ്പോള് 99,99,999 രൂപങ്ങള് മാത്രമേ ഉണ്ടായിരുന്നുള്ളു. അതായത് ഒരു കോടി എന്ന സംഖ്യയ്ക്ക് ഒന്ന് കുറവ്. അങ്ങനെയാണ് ഈ സ്ഥലത്തിന് ഉനകോടി എന്ന പേരു ലഭിച്ചതെന്നാണ് വിശ്വാസം.
രണ്ടു തരത്തിലുള്ള രൂപങ്ങള് കല്ലില് കൊത്തിയതും കല്ലില് തീര്ത്തതുമായ രണ്ടു തരത്തിലുള്ള രൂപങ്ങളാണ് ഇവിടെയുള്ളത്. ഉനകോടീശ്വര കാല ഭൈരവ ഉനകോടീശ്വര കാല ഭൈരവ എന്ന പേരിലുള്ള ശിവന്റെ 20 അടി ഉയരമുള്ള രൂപമാണ് ഇവിടുത്തെ ഏറ്റവും വലിയ പ്രത്യേകത. ഇതിലെ ശിവന്റെ തലയുടെ രൂപത്തിന് മാത്രം ഏകദേശം പത്തിടി ഉയരമുള്ളതായി കണക്കാക്കുന്നു. ശിവന്റെ മാത്രമല്ല, ഗണേശന്റെയും ദുര്ഗ്ഗാ ദേവിയുടെയും നന്ദിയുടെയുമൊക്കെ രൂപങ്ങള് ഇവിടെ കാണുവാന് സാധിക്കും.
അതിമനോഹരമായ ചുറ്റുവട്ടം കാഴ്ചയ്ക്ക് ഏറെ മനോഹരങ്ങളായ വെള്ളച്ചാട്ടങ്ങളുടെയും പച്ചപ്പുല്ലുകളുടെയും കാടിന്റെയും ഒക്കെ നടുവിലായാണ് രൂപങ്ങള് സ്ഥിതി ചെയ്യുന്നത്.
അശോകാഷ്ടമി ഉനക്കോടിയില് നടക്കുന്ന ഏറ്റവും പ്രധാനപ്പെട്ട മേളയാണ് ഏപ്രില് മാസത്തില് നടക്കുന്ന ഈ ആഘോഷത്തില് പങ്കെടുക്കാന് ആയിരക്കണക്കിന് തീര്ഥാടകരാണ് എത്തുന്നത്. ആര്ക്കിയോളജിക്കല് സര്വ്വേ ഓഫ് ഇന്ത്യയുടെ കീഴില് സംരക്ഷിക്കപ്പെടുന്ന ഒരു പ്രദേശമാണ് ഉനകോട്ടി ഇപ്പോള്. യുനസ്കോയുടെ ലോകപൈതൃക കേന്ദ്രമായി ഉയര്ത്താനുള്ള പരിഗണനയിലാണിത്. ഇവിടുത്തെ രൂപങ്ങള്ക്ക് ആസ്ടെക് സംസ്കാരവുമായുള്ള ചില സാമ്യങ്ങള് കാണുവാന് സാധിക്കും.
എട്ടാം നൂറ്റാണ്ടിലെ ശൈവ തീര്ഥം ചില ചരിത്രകാരന്മാരുടെ കണ്ടെത്തലുകളനുസരിച്ച് എട്ടാം നൂറ്റാണ്ടു മുതല് 12ാം നൂറ്റാണ്ട് വരെയുള്ള പാല് ഇറയുടെ സമയത്തെ ശൈവതീര്ഥമായിരുന്നു ഉനകോടി എന്നതാണ്. കുറച്ച് പേര് ഇതൊരു ബുദ്ധസന്യാസിമാരുടെ കേന്ദ്രമായിരുന്നു എന്നും പറയുന്നുണ്ട്.ത്രിപുരയുടെ തലസ്ഥാനമായ അഗര്ത്തലയില് നിന്നും 178 കിലോമീറ്റര് അകലെയാണ് ഉനകോടി സ്ഥിതി ചെയ്യുന്നത്.
Discussion about this post