ദീപികയുടെ തല സംരക്ഷിക്കണമെന്ന് നടന്‍ കമല്‍ഹാസന്‍

ചെന്നൈ: ‘പത്മാവതി’ ചിത്രത്തിലെ ഭീഷണി നേരിടുന്ന ദീപികയുടെ തല സംരക്ഷിക്കണമെന്ന് നടന്‍ കമല്‍ഹാസന്‍. ട്വീറ്റിലൂടെ പ്രതികരണം. വധഭീഷണി നേരിടുന്ന ദീപികയെ ബഹുമാനിക്കണം. ദീപികക്കുള്ള സ്വാതന്ത്ര്യം ഇല്ലാതാക്കരുത്. വിഷയത്തില്‍ തീവ്രവാദം കടന്നുവരുന്നത് പരിതാപകരമാണ്. മസ്തിഷ്‌കമുള്ള ഇന്ത്യക്കാര്‍ ഉണരണം. ചിന്തിക്കേണ്ട സമയമാണിത്. നമ്മുക്ക് പറയാന്‍ ധാരാളമുണ്ട്. ഭാരതീയരോട് ഇക്കാര്യം ആവശ്യപ്പെടുകയാണെന്നും കമല്‍ഹാസന്‍ പറയുന്നു.

ഇതിനിടെ, ‘പത്മാവതി’ വിവാദത്തിന്റെ പശ്ചാത്തലത്തില്‍ ഹൈദരാബാദില്‍ നടക്കുന്ന ആഗോള സംരംഭകത്വ ഉച്ചകോടിയില്‍ നിന്ന് ദീപിക പാദുകോണ്‍ പിന്മാറി. ഹോളിവുഡ് ടു നോളിവുഡ് ടു ബോളിവുഡ്: ദ് പാത്ത് ടു മൂവി മേക്കിങ് എന്ന വിഷയത്തിലെ ചര്‍ച്ചയില്‍ സംസാരിക്കുന്നതില്‍ നിന്നാണ് പാദുകോണ്‍ പിന്മാറിയത്. തെലങ്കാന സര്‍ക്കാറിന്റെ മുതിര്‍ന്ന ഉദ്യോഗസ്ഥനാണ് ഇക്കാര്യമറിയിച്ചത്. ‘സ്ത്രീകള്‍ ആദ്യം, സമൃദ്ധി ഏവര്‍ക്കും’ എന്ന പ്രമേയത്തില്‍ ഇന്ത്യയും യു.എസും സംയുക്തമായി സംഘടിപ്പിക്കുന്ന ഉച്ചകോടിയില്‍ 179 രാജ്യങ്ങളില്‍ നിന്ന് 1,500 വ്യവസായ സംരംഭകരാണ് പങ്കെടുക്കുന്നത്. പ്രസിഡന്റ് ഡോണള്‍ഡ് ട്രംപിന്റെ മകള്‍ ഇവാന്‍ക ട്രംപാണ് യു.എസ് സംഘത്തെ നയിക്കുന്നത്.

I wantMs.Deepika's head.. saved. Respect it more than her body.Even more her freedom. Do not deny her that.Many communities have apposed my films.Extremism in any debate is deplorable. Wake up cerebral India.Time to think. We've said enough. Listen Ma Bharat

— Kamal Haasan (@ikamalhaasan) November 20, 2017