തിരുവനന്തപുരം: ഫോണ്കെണി കേസില് കുറ്റവിമുക്തനായ എ.കെ.ശശീന്ദ്രന് വീണ്ടും മന്ത്രിയായി സത്യപ്രതിജ്ഞ ചെയ്തു. രാജ്ഭവനില് നടന്നചടങ്ങില് ഗവര്ണര് പി. സദാശിവം സത്യവാചകം ചൊല്ലിക്കൊടുത്തു.മുഖ്യമന്ത്രിയും
മന്ത്രിമാരും ഉദ്യോഗസ്ഥരും പങ്കെടുത്തു. പ്രതിപക്ഷം ചടങ്ങ് ബഹിഷ്ക്കരിച്ചു.
ഇതിനിടെ എ.കെ. ശശീന്ദ്രനെ ഫോണ്കെണിക്കേസില് കുറ്റവിമുക്തനാക്കിയ വിഷയത്തില് സര്ക്കാരിനോട് ഹൈക്കോടതി വിശദീകരണം തേടി. കേസ് റദ്ദാക്കിയ സാഹചര്യം വിശദീകരിക്കണമെന്നാണ് ഹൈക്കോടതി നിര്ദേശിച്ചിരിക്കുന്നത്. ശശീന്ദ്രനെ കേസില് കുറ്റവിമുക്തനാക്കിയ ചീഫ് ജുഡിഷല് മജിസ്ട്രേറ്റ് കോടതിയുടെ വിധി റദ്ദാക്കണമെന്നാവശ്യപ്പെട്ടു സമര്പ്പിക്കപ്പെട്ട ഹര്ജിയിലാണ് ഹൈക്കോടതി നടപടി.
തിരുവനന്തപുരം തൈക്കാട് സ്വദേശിനി മഹാലക്ഷ്മി ആണു ഹൈക്കോടതിയില് ഹര്ജി നല്കിയിരിക്കുന്നത്.
Discussion about this post