സിനിമയിലും സാഹിത്യത്തിലും വരെ ഫാസിസമുണ്ടെന്ന് നടന് ജോയ്മാത്യു മുഖ്യപ്രഭാഷണത്തില് അഭിപ്രായപ്പെട്ടു. 99 ശതമാനം സാഹിത്യകാരന്മാരും ഫാസിസത്തിനെതിരേ ശക്തമായി രംഗത്തുവരില്ല. അവാര്ഡുകള്ക്കും ഇതിന്റെ പേരില് ലഭിക്കുന്ന പണത്തിനും വേണ്ടി പല വിട്ടുവീഴ്ചകളും ഇവര് നടത്തുന്നുവെന്നും അദ്ദേഹം കുറ്റപ്പെടുത്തി. ജനാധിപത്യവേദി സംഘടിപ്പിച്ച ജനാധിപത്യസംഗമം പരാപാടിയില് ംുഖ്യപ്രഭാഷണം നടത്തുകയായിരുന്നു ജോയ്മാത്യൂ. തൃശ്ശൂര് തേക്കിന്കാട് മൈതാനത്ത് ആയിരുന്നു പരിപാടി സംഘടിപ്പിച്ചത്. പരിപാടി നടന് പ്രകാശ്രാജ് ഉദ്ഘാടനം ചെയ്തു. നാല്പ്പതുശതമാനത്തില് താഴെ ആളുകളുടെ പിന്തുണകൊണ്ട് രാജ്യത്തെ മാറ്റിമറിക്കാമെന്നു കരുതുന്ന വിഡ്ഢികളുടെ കൂട്ടമാണ് ബിജെപിയെന്ന് നടന് പ്രകാശ് രാജ്. നുണപറഞ്ഞ് അധികാരം പിടിക്കാന് ശ്രമിക്കുന്ന കോമാളിക്കൂട്ടം മാത്രമായ ബി.ജെ.പി. ഭീഷണിയല്ലെും പ്രകാശ് രാജ് പറഞ്ഞു.
കോണ്ഗ്രസുമായി കൂട്ടുകൂടില്ലെന്നു പറയുന്ന സി.പി.എമ്മിനുള്ള വ്യത്യാസം എന്താണെന്ന് ചടങ്ങില് അധ്യക്ഷത വഹിച്ച സാറാജോസഫ് ചോദിച്ചു. ചിലപ്പോള് കോണ്ഗ്രസിനെക്കാള് ഭീകരമാണ് സി.പി.എം. വയല്ക്കിളികളെ തീവെച്ചു. ജനങ്ങളെ വഞ്ചിക്കുകയാണ്. ഐക്യം രൂപപ്പെടുമ്പോള് ഇതു തകര്ക്കാന് ശ്രമിക്കുകയാണ് എന്നും സാറാജോസഫ് പറഞ്ഞു. വിമതശബ്ദത്തോടുള്ള സഹിഷ്ണുതയാണ് ജനാധിപത്യത്തിന്റെ മര്മം എന്ന് കെ. വേണു പറഞ്ഞു. കഴിഞ്ഞ 70 വര്ഷമായി ഇന്ത്യയെ മതരാജ്യമാക്കാന് ശ്രമിച്ചുകൊണ്ടിരിക്കുകയായിരുന്നെന്ന് എം.എന്. കാരശ്ശേരി പറഞ്ഞു. ബാലചന്ദ്രന് വടക്കേടത്ത്, സി.ആര്. പരമേശ്വരന്, കെ. അരവിന്ദാക്ഷന്, സിവിക് ചന്ദ്രന്, ഡോ. കെ. ഗോപിനാഥന്, സജീവന് അന്തിക്കാട്, കുസുമം ജോസഫ്, പി. സുരേന്ദ്രന് തുടങ്ങിയവര് പങ്കെടുത്തു.
Discussion about this post