ഡല്‍ഹി: മുംബൈ ഭീകരാക്രമണത്തിന്റെ സൂത്രധാരന്‍ സാക്കിയൂര്‍ റഹ്മാന്‍ ലഖ്‌വിക്ക് ജാമ്യം അനുവദിച്ചത് ഐക്യരാഷ്ട്ര സംഘടനയുടെ മാനദണ്ഡങ്ങള്‍ തെറ്റിച്ചാണെന്ന് ഇന്ത്യ ആരോപിച്ചു. ഇക്കാര്യം ചൂണ്ടിക്കാട്ടി പാക്കിസ്ഥാന് നയതന്ത്ര സന്ദേശം അയയ്ക്കാന്‍ ഇന്ത്യ ഒരുങ്ങുന്നതായി റിപ്പോര്‍ട്ടുകളുണ്ട്. ജയിലില്‍ നിന്നും പുറത്തിറങ്ങാന്‍ 10 ലക്ഷം രൂപയുടെ രണ്ടു ആള്‍ ജാമ്യമാണ് ലഖ്‌വി കോടതിയില്‍ ഹാജരാക്കിയത്. ഇതിനു തയാറായ ജാമ്യക്കാര്‍ ആരാണെന്നു പാക്കിസ്ഥാന് വ്യക്തമാക്കണമെന്നും സന്ദേശത്തില്‍ ആവശ്യപ്പെടും.
ഭീകര സംഘടനയായ ഇസ്‌ലാമിക് സ്റ്റേറ്റ് ആണു ലഖ്‌വിക്കായി ആള്‍ ജാമ്യം നിന്നതെന്നു ഇന്ത്യ സംശയിക്കുന്നതായി ചില ഔദ്യോഗിക വൃത്തങ്ങള്‍ അറിയിച്ചു. ലഖ്‌വിയുടെ മോചനത്തില്‍ യുഎന്‍ ഇടപെടണമെന്ന് ഇന്ത്യ നേരത്തെ ആവശ്യമുയന്നയിച്ചിരുന്നു. അടുത്ത യോഗത്തില്‍ ഇക്കാര്യം പരിഗണിക്കുമെന്നു യുഎന്‍ ഇന്ത്യയ്ക്ക് ഉറപ്പും നല്‍കി.
ലാഹോര്‍ ഹൈക്കോടതിയുടെ ഉത്തരവിന്റെ അടിസ്ഥാനത്തിലായിരുന്നു ലഖ്!വിയെ മോചിപ്പിച്ചത്. പാക്കിസ്ഥാനിലെ പഞ്ചാബ് പ്രവിശ്യാ സര്‍ക്കാര്‍ പുറപ്പെടുവിച്ച തടങ്കല്‍ ഉത്തരവ് മരവിപ്പിച്ചുകൊണ്ടായിരുന്നു കോടതിയുടെ ഉത്തരവ്.. 2008 നംവബര്‍ 26നാണ് മുംബൈയില്‍ ഭീകരാക്രമണം നടന്നത്. ആക്രമണം നടത്തിയ പത്തംഗ സംഘത്തിന് ലഖ്‌വിയാണ് പരിശീലനം നല്‍കിയതെന്ന് വ്യക്തമായിരുന്നു.
Discussion about this post