കൊച്ചി: എറണാകുളം മഹാരാജാസ് കോളേജ് വിദ്യാര്ത്ഥിയായ എസ്എഫ്ഐ നേതാവ് അഭിമന്യുവിന്റെ കൊലപാതകവുമായി ബന്ധപ്പെട്ട് നിര്ണ്ണായക തെളിവുകള് പൊലീസിന് ലഭിച്ചു. കൊലപാതകത്തിന് ശേഷം പ്രതികള് എസ്ഡിപിഐ ഓഫിസിലേക്ക് പോകുന്ന ദൃശ്യങ്ങളാണ് പോലിസിന് ലഭിച്ചത്. ആക്രമണത്തിന് ശേഷം സംഘം മട്ടാഞ്ചേരിയിലേക്കാണ് രക്ഷപ്പെട്ടത്.ഓട്ടോറിക്ഷയില് അവിടെ ചെന്നിറങ്ങിയ പ്രതികള് എസ്ഡിപിഐ ഓഫീസിന് നേരെ നടന്നുപോകുന്നതാണ് ദൃശ്യങ്ങളില് ഉള്ളത്.
ഈ ദൃശ്യങ്ങള് സമീപത്തെ കടയുടെ സിസിടിവിയിലാണ് പതിഞ്ഞത്. ഇത് പൊലീസിന് ലഭിച്ചു. സംഭവത്തില് ആകെ പതിനഞ്ച് പ്രതികളെയാണ് പൊലീസ് സംശയിക്കുന്നത്.
ഇന്നലെ അര്ദ്ധരാത്രിയോടെ കോളേജില് പ്രവേശനോത്സവത്തിന്റെ ഭാഗമായി വിദ്യാര്ത്ഥികളെ സ്വാഗതം ചെയ്യുന്നതിനായി പോസ്റ്റര് ഒട്ടിക്കുന്നതിനിടെയായിരുന്നു കൊലപാതകം നടന്നത്. ുഹമ്മദ് എന്ന ക്യാംപസ് ഫ്രണ്ട് പ്രവര്ത്തകനായ മഹാരാജാസ് കോളേജ് വിദ്യാര്ത്ഥി ഒരു സംഘമാളുകളുമായി ക്യാമ്പസിലെത്തുകയായിരുന്നു. പിന്നീട് കോളേജിനകത്ത് പ്രവേശിച്ച് പോസ്റ്റര് ഒട്ടിക്കാനായി ഇവരുടെ ശ്രമം. ഇത് തടഞ്ഞ എസ്എഫ്ഐ പ്രവര്ത്തകരുമായി എസ്ഡിപിഐ പ്രവര്ത്തകര് വാക്കേറ്റമുണ്ടായി. പിന്നീട് ക്യാംപസ് ഫ്രണ്ട് പ്രവര്ത്തകര് വിളിച്ചതനുസരിച്ച് കൂടുതല് പേര് സ്ഥലത്തെത്തി. ഇതോടെ വാക്കുതര്ക്കം കൈയ്യാങ്കളിയിലായി. ഇതിനിടെ ക്യാംപസ് ഫ്രണ്ട് സംഘത്തിലെ ഒരാള് കത്തിയെടുത്ത് വീശി. ഈ സമയത്ത് എസ്എഫ്ഐ പ്രവര്ത്തകര് ഭയന്ന് ചിതറിയോടി. പിന്നാലെ വന്ന സംഘം ആദ്യം അഭിമന്യുവിനെയാണ് കുത്തിവീഴ്ത്തിയത്. അര്ജുനെ പിന്നീട് കുത്തിപ്പരുക്കേല്പ്പിച്ചു.
സംഘര്ഷത്തിന് ശേഷം രക്ഷപ്പെടാന് ശ്രമിച്ച ഒരാളെ എസ്എഫ്ഐ പ്രവര്ത്തകര് പിടികൂടി പൊലീസിനെ ഏല്പ്പിച്ചു. അഭിമന്യു സംഭവസ്ഥലത്ത് തന്നെ മരിച്ചു. അര്ജുനെ ആദ്യം ജനറല് ആശുപത്രിയിലും പിന്നീട് മെഡിക്കല് ട്രസ്റ്റ് ആശുപത്രിയിലും പ്രവേശിപ്പിച്ചു. 15 പേരാണ് കൊലയാളി സംഘത്തിലുള്ളത് എന്നാണ് ദൃക്സാക്ഷികളുടെ മൊഴി. മുഖ്യപ്രതി വടുതല സ്വദേശിയായ മുഹമ്മദ് ആണെന്നും പോലിസ് പറയുന്നു.ഇയാള് ഒളിവിലാണ്. മൂന്നാം വര്ഷ അറബിക് വിദ്യാര്ത്ഥിയാണ് മുഹമ്മദ്.
Discussion about this post