ലാഹോര്‍: അഴിമതി കേസില്‍ സുപ്രീംകോടതി 10 വര്‍ഷം തടവിനു ശിക്ഷിച്ച മുന്‍ പ്രധാനമന്ത്രി നവാസ് ഷെറീഫിന്റെയും മകള്‍ മര്‍യമിന്റെയും അറസ്റ്റ് ഉടനുണ്ടായേക്കും. പാനമ പേപ്പേഴ്‌സ് പുറത്തുവിട്ട അഴിമതിക്കേസിലാണ് ഇരുവര്‍ക്കും പാക് സുപ്രിംകോടതി ശിക്ഷ വിധിച്ചത്. നവാസ് ഷെറീഫും മകള്‍ മര്‍മയിയും ലണ്ടലിനായതിനെ തുടര്‍ന്നാണ് അറസ്റ്റു െൈവകുന്നത്.
ലണ്ടനില്‍നിന്ന് മടങ്ങിയെത്തിയാലുടന്‍ വിമാനത്താവളത്തില്‍വെച്ചുതന്നെ അറസ്റ്റു ചെയ്യാനാണ് നീക്കമൈന്ന് നിയമമന്ത്രി അലി സഫര്‍ പറഞ്ഞു. കോടതിയുത്തരവ് നടപ്പാക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും അദ്ദേഹം പറഞ്ഞു.
പാക്കിസ്ഥാനിലേക്ക് മടങ്ങുന്ന വിമാനത്തിന്റെ വിവരങ്ങളെല്ലാം മര്‍യം കഴിഞ്ഞ ദിവസം പാക് മാധ്യമപ്രവര്‍ത്തകരുമായി പങ്കുവെച്ചിരുന്നു. ഇ.വൈ-243 ഇത്തിഹാദ് എയര്‍വേസ് വിമാനത്തില്‍ വെള്ളിയാഴ്ച വൈകീട്ട് 6.15 ഓടെ രാജ്യത്ത് മടങ്ങിയെത്തുമെന്നാണ് അവര്‍ പറഞ്ഞത്. വള്ളിയാഴ്ച ലാഹോര്‍ വിമാനത്താവളത്തില്‍വെച്ച് ശരീഫിനെയും മകളെയും അറസ്റ്റു ചെയ്യുമെന്ന് നാഷനല്‍ അക്കൗണ്ടബിലിറ്റി ബ്യൂറോയും (എന്‍.എ.ബി) വ്യക്തമാക്കിയിരുന്നു. മര്‍യമിന് ഏഴുവര്‍ഷം കഠിന തടവാണ് കോടതി വിധിച്ചത്.
Discussion about this post