സന്റെ് ജോണ്‍സ്: പി.എന്‍.ബി തട്ടിപ്പ് കേസില്‍ ഉള്‍പ്പെട്ട വിവാദ വ്യവസായി മെഹുല്‍ ചോക്‌സിയെ ഇ്ന്ത്യയ്ക്ക് വിട്ടു കിട്ടിയേക്കും. ചോക്‌സിയെ വിട്ടു നല്‍കുന്ന കാര്യം ഇന്ത്യ ആവശ്യപ്പെട്ടാല്‍ പരിഗണിക്കുമെന്ന് ആന്റ്വിഗ ആന്‍ഡ് ബര്‍ബുഡ വിദേശകാര്യമന്ത്രി ഇ.പി ചീത് ഗ്രീസിനെ ഉദ്ധരിച്ച് ആന്റ്വിഗ ദിനപത്രമായ ഡെയ്‌ലി ഒബ്‌സര്‍വര്‍ റിപ്പോര്‍ട്ട് ചെയ്യുന്നു.
ഇന്ത്യയുമായി കുറ്റവാളികളെ കൈമാറാന്‍ ആന്റ്വിഗയ്ക്ക് കരാറുകളൊന്നുമില്ല. എങ്കിലും ചോക്‌സിയെ വിട്ടുകിട്ടണമെന്ന് ആവശ്യപ്പെട്ട് അപേക്ഷ നല്‍കിയാല്‍ അത് പരിഗണിക്കുമെന്ന് വിദേശകാര്യമന്ത്രി ചീത് ഗ്രീസ് പറഞ്ഞു.
നേരത്തെ മെഹുല്‍ ചോക്‌സിക്ക് ആന്റ്വിഗ പൗരത്വം അനുവദിച്ചിരുന്നു. രാജ്യത്ത് വ്യവസായ നിക്ഷേപം നടത്തുന്നവര്‍ക്ക് പൗരത്വം നല്‍കുന്ന വ്യവസ്ഥ പ്രകാരമായിരുന്നു നടപടി.
Discussion about this post