നിയമവിരുദ്ധമായി ഇന്ത്യയില് താമസിക്കുന്ന അന്യരാജ്യക്കാരെ ഇന്ത്യയില് നിന്നും മോദി സര്ക്കാര് നാടുകടത്തുമെന്ന് ബി.ജെ.പി ദേശീയ അധ്യക്ഷന് അമിത് ഷാ. അസമില് തയ്യാറാക്കിയ പൗരത്വ പട്ടികയെച്ചൊല്ലിയുള്ള തര്ക്കം നിലനില്ക്കവെയാണ് അമിത് ഷായുടെ ഈ പ്രസ്താവന. അദ്ദേഹം രാജസ്ഥാനിലെ രജസ്മന്ദില് മുഖ്യമന്ത്രി വസുന്ദരാ രാജെയുടെ നാല്പത് ദിവസത്തെ രഥ് യാത്ര ഉദ്ഘാടനം ചെയ്യുകയായിരുന്നു.
പൗരത്വ പട്ടിക മൂലം രാജ്യത്തെ സമാധാനം നഷ്ടപ്പെടുമെന്നും രാജ്യത്ത് കലാപങ്ങളുണ്ടാകുമെന്നായിരുന്നു പശ്ചിമബംഗാള് മുഖ്യമന്ത്രിയും തൃണമൂല് കോണ്ഗ്രസ് നേതാവുമായ മമത ബാനര്ജി അഭിപ്രായപ്പെട്ടത്.
ഓഗസ്റ്റ് 15ന് രാജസ്ഥാനില് വരാനിരിക്കുന്ന രാഹുല് ഗാന്ധിയോട് നിയമവിരുദ്ധമായി ഇന്ത്യയില് താമസിക്കുന്ന ബംഗ്ലാദേശികളായവരെ നാടുകടത്തേണ്ടതല്ലേയെന്ന് ചോദിക്കണമെന്ന് അമിത് ഷാ ജനങ്ങളോട് പറഞ്ഞു.
കോണ്ഗ്രസ് വോട്ട് ബാങ്ക് രാഷ്ട്രീയമാണ് കളിക്കുന്നതെന്നും അദ്ദേഹം അഭിപ്രായപ്പെട്ടു. പൗരത്വ പട്ടിക തയ്യാറാക്കണമെന്നുള്ളത് സുപ്രീം കോടതിയുടെ ഉത്തരവാണെന്നും അത് നിറവേറ്റുമെന്നും അമിത് ഷാ വ്യക്തമാക്കി.
Discussion about this post