ഭീമാ കോറെഗാവ് കലാപത്തോടനുബന്ധിച്ച് അഞ്ച് നക്സല് അനുകൂല നേതാക്കളെ അറസ്റ്റ് ചെയ്ത നടപടിയില് അതൃപ്തി പ്രകടിപ്പിച്ച കോണ്ഗ്രസ് അധ്യക്ഷന് രാഹുല് ഗാന്ധിക്കെതിരെ കേന്ദ്ര മന്ത്രി കിരണ് റിജിജു. രാഷ്ട്രത്തിന്റെ സുരക്ഷാ എന്നുള്ളത് രാഷ്ട്രീയത്തിന് മുകളിലായിരിക്കണമെന്ന് അദ്ദേഹം അഭിപ്രായപ്പെട്ടു.
മുന് പ്രധാനമന്ത്രി മന്മോഹന് സിംഗ് മാവോയിസ്റ്റുകളാണ് ഇന്ത്യയുടെ ആന്തരിക സുരക്ഷയ്ക്കുള്ള ഏറ്റവും വലിയ വെല്ലുവിളിയെന്ന് പറഞ്ഞിരുന്നുവെന്നും ഇപ്പോള് കോണ്ഗ്രസ് അധ്യക്ഷന് മാവോയിസ്റ്റുകളെ പിന്തുണയ്ക്കുന്നവരുടെ കൂടെയാണെന്നും റിജിജു ട്വിറ്ററിലൂടെ അഭിപ്രായപ്പെട്ടു.
As Prime Minister Dr Manmohan Singh had declared that Maoists are No.1 threat to India's internal security. Now the Congress president openly supports the front organisations & sympathisers of the
Maoists.
Keep national security above politics— Kiren Rijiju (मोदी का परिवार) (@KirenRijiju) August 29, 2018
ഓഗസ്റ്റ് 28ന് ആര്.എസ്.എസിന് മാത്രമാണ് ഇന്ത്യയില് ഒരു എന്.ജി.ഓ ആകാനുള്ള സ്ഥാനമുള്ളുവെന്നും മറ്റ് എന്.ജി.ഓകള് അടച്ച് പൂട്ടി അതിലെ പ്രവര്ത്തകരെ ജയിലിലടക്കാനും രാഹുല് ഗാന്ധി പരഹാസ രൂപത്തില് ട്വിറ്ററില് പറഞ്ഞിരുന്നു.
There is only place for one NGO in India and it's called the RSS. Shut down all other NGOs. Jail all activists and shoot those that complain.
Welcome to the new India. #BhimaKoregaon
— Rahul Gandhi (@RahulGandhi) August 28, 2018
രാഹുല് ഗാന്ധിക്ക് പുറമെ സി.പി.എം ജനറല് സെക്രട്ടറി സീതാറാം യെച്ചൂരിയും അറസ്റ്റിനെതിരെ സംസാരിച്ചിരുന്നു. രാജ്യത്തെ ജനാധിപത്യ അവകാശങ്ങള്ക്കെതിരാണ് ഈ അറസ്റ്റെന്ന് അദ്ദേഹം അഭിപ്രായപ്പെട്ടു. ഇത് 1975ലെ അടിയന്തിരാവസ്ഥയെക്കാള് കഷ്ടമാണെന്നും അദ്ദേഹം അഭിപ്രായപ്പെട്ടു.
ജനുവരിയില് നടന്ന ഭീമാ കോറെഗാവ് കലാപത്തില് ഒരു യുവാവ് മരിച്ചിരുന്നു. അതേ സമയം പലര്ക്കും കലാപത്തില് പരിക്ക് പറ്റിയിരുന്നു. ഭീമാ കൊറെഗാവ് യുദ്ധത്തിന്റെ 200 വാര്ഷികം ആഘോഷിക്കവെയായിരുന്നു കലാപം പൊട്ടിപ്പുറപ്പെട്ടത്.
മുംബൈ, റാഞ്ചി, ഹൈദരാബാദ്, ഫരീദാബാദ്, ഡല്ഹി, ഥാനെ തുടങ്ങിയ സ്ഥലങ്ങളില് പോലീസ് റെയ്ഡ് നടത്തിയതിന് ശേഷമാണ് അഞ്ച് നക്സല് അനുകൂല നേതാക്കളെ അറസ്റ്റ് ചെയ്തത്.
Discussion about this post