കേരള ബ്ലാസ്റ്റേഴ്സിലെ തന്റെ ഓഹരികള് കൈമാറിയതു സ്ഥിരീകരിച്ച് മുന് ക്രിക്കറ്റ് താരം സച്ചിന് തെണ്ടുല്ക്കര്. സച്ചിന്റെ കൈവശമുള്ള 20 ശതമാനം ഓഹരികള് ടീം ഉടമകളിലൊരാളായ നിമ്മഗഡ പ്രസാദ് ഏറ്റെടുത്തു. ബ്ലാസ്റ്റേഴ്സ് സുദൃഢമായ സ്ഥിതിയിലാണ്. ടീം ഇനിയും മുന്നേറും. തന്റെ ഹൃദയം എന്നും ബ്ലാസ്റ്റേഴ്സിനൊപ്പമുണ്ടാകുമെന്നും സച്ചിന് പറഞ്ഞു.
ഹൈദരാബാദില് നിന്നുള്ള നിമ്മഗഡ പ്രസാദ്, ചലച്ചിത്ര താരങ്ങളായ ചിരഞ്ജീവി, നാഗാര്ജ്ജുന, അല്ലു അര്ജുന് എന്നിവര് ഉള്പ്പെടുന്ന കോണ്സോര്ഷ്യത്തിന്റെ കൈവശമാണ് 80 ശതമാനം ഓഹരിയും. അതേസമയം സച്ചിന്റെ ഇരുപതു ശതമാനം ഓഹരികള് ലുലു ഗ്രൂപ്പ് സ്വന്തമാക്കി എന്ന് റിപ്പോര്ട്ടുകള് ഉണ്ടെങ്കിലും ഈ വാര്ത്ത ലുലു ഗ്രൂപ്പ് സ്ഥിരീകരിച്ചിട്ടില്ല.
2015 മുതല് കേരള ബ്ലാസ്റ്റേഴ്സിന്റെ കൂടെ നിന്ന സച്ചിന്റെ പിന്മാറ്റം ബ്ലാസ്റ്റേഴ്സ് ടീമിന്റെ ആരാധകരേയും നിരാശരാക്കി. സെപ്റ്റംബര് 29നാണ് ഈ സീസണിലെ ആദ്യ മത്സരം. കൊല്ക്കത്തയിലെ യുവ ഭാരതി ക്രിരംഗം സ്റ്റേഡിയത്തില് നടക്കുന്ന ആദ്യ മത്സരത്തില് ബ്ലാസ്റ്റേഴ്സ് എടികെയെ നേരിടും.
Discussion about this post