ശബരിമല വിഷയത്തില്‍ കെ സുധാകരനെ തള്ളി രമേശ്‌ ചെന്നിത്തല . ശബരിമലയിലെത്തുന്ന യുവതികളെ തടയുമെന്ന കെ സുധാകരന്റെ പ്രസ്താവനയാണ് രമേശ്‌ ചെന്നിത്തല തള്ളിയത് . വിഷയത്തില്‍ കെ സുധാകരന്റെ നിലപാട് വ്യക്തിപരമാണെന്നും ചെന്നിത്തല പറഞ്ഞു .
സുപ്രീംകോടതി വിധി വന്ന സാഹചര്യത്തില്‍ 10 നും 50 നും ഇടയില്‍ പ്രായമുള്ള സ്ത്രീകളെ ശബരിമലയില്‍ കയറ്റിയെയടങ്ങുവെന്ന പിടിവാശി സര്‍ക്കാര്‍ ഉപേക്ഷിക്കണം . വിഷയം കോടതിയുടെ പരിഗണനയില്‍ ഇരിക്കുന്നുവെന്നത് സ്റ്റേ ചെയ്തട്ടില്ലയെന്ന സാങ്കേതികത്വത്തില്‍ കടിച്ചു തൂങ്ങാതെ ഗൗരവമായി കാണണം . നാടിന്റെ വിശാല താത്പര്യം കാണാതെ സര്‍ക്കാര്‍ മുന്നോട്ടു പോവരുത് . സംസ്ഥാനത്ത് അരക്ഷിതാവസ്ഥയുണ്ടാവാതെ നോക്കാനുള്ള ഉത്തരവാദിത്തം സര്‍ക്കാരിനുണ്ട് .ഈ വിഷയത്തില്‍ മുഖ്യമന്ത്രിയുടെ പിടിവാശി ഉപേക്ഷിച്ച് സ്റ്റേറ്റ്സ്മാനായി പ്രവര്‍ത്തിക്കണമെന്നും ചെന്നിത്തല ആവശ്യപ്പെട്ടു .
ശബരിമല യുവതി പ്രവേശന വിഷയത്തില്‍ ഭരണഘടന ബെഞ്ചിന്റെ വിധിവന്നയുടന്‍ വിധിപകര്‍പ്പ് ലഭിക്കും മുന്‍പ് തന്നെ സര്‍ക്കാര്‍ വിധി നടപ്പാക്കുമെന്ന് പ്രഖ്യാപിച്ചു . ഇതിന്റെ നിയമപരമായ സാധുതകളെക്കുറിച്ച് എന്തുകൊണ്ട് ചിന്തിച്ചില്ല ? ഇക്കാര്യത്തിലെ സര്‍ക്കാരിന്റെ ധാര്‍ഷ്ട്യമാണ് ശബരിമല വിഷയം ഇത്രത്തോളം വഷളാക്കിയതെന്നും രമേശ്‌ ചെന്നിത്തല പറഞ്ഞു .
Discussion about this post