‘മീ ടൂ’ ക്യാമ്പയിനെപ്പറ്റി അഭിപ്രായം പറഞ്ഞ സൂപ്പര്സ്റ്റാര് മോഹന്ലാലിനെതിരെ പരോക്ഷ വിമര്ശനവുമായി നടി രേവതി. ചൊവ്വയില് നിന്നും വന്നവര്ക്ക് ലൈംഗിക അധിക്ഷേപം എന്താണെന്ന് അറിയില്ലെന്ന് സംവിധായിക അഞ്ജലി മേനോന് പറഞ്ഞത് തന്നെയാണ് തനിക്കും പറയാനുള്ളതെന്ന് അവര് ട്വിറ്ററിലൂടെ കുറിച്ചു.
‘മീ ടൂ’ ക്യാമ്പയിന് ഒരു ഫാഷനാണെന്ന് ഒരു പ്രമുഖ നടന് പറഞ്ഞുവെന്ന് ചൂണ്ടിക്കാട്ടിയാണ് ട്വീറ്റിന്റെ തുടക്കം. ഈ കാര്യങ്ങള് ഇവരെ എങ്ങനെ പറഞ്ഞ് മനസിലാക്കാന് സാധിക്കുമെന്ന് രേവതി ചോദിക്കുന്നു. ‘മീ ടൂ’ പോലുള്ള തുറന്ന് പറച്ചിലിലൂടെ എന്ത് മാറ്റമാണ് കൊണ്ടുവരാന് സാധിക്കുകായെന്നും എന്ത് കൊണ്ടാണ് ചിലര് അത് തുറന്ന് പറയുന്നതെന്നും പ്രമുഖ നടനെപ്പോലുള്ളവര്ക്കറിയില്ലെന്നും രേവത്ി പറഞ്ഞു.
‘മീ ടൂ’ ക്യാമ്പയിനെ ഒരു മൂവ്മെന്റായി കാണേണ്ട ആവശ്യമില്ലെന്നും, ‘മീ ടൂ’ ഇപ്പോള് ഒരു ഫാഷനായി മാറിയിരിക്കുകയാണെന്നും മോഹന്ലാല് അബുദാബിയില് ഗള്ഫ് ന്യൂസുമായുള്ള അഭിമുഖത്തില് അഭിപ്രായപ്പെട്ടിരുന്നു. താന് അനുഭവിക്കാത്ത ഒരു കാര്യത്തെപ്പറ്റി അഭിപ്രായം പറയാന് തനിക്കാവില്ലെന്നും അത്തരത്തില് ഒരു അഭിപ്രായ പ്രകടനം നടത്തുന്നത് ശരിയല്ലെന്നുമായിരുന്നു മോഹന്ലാല് പറഞ്ഞത്. മലയാള സിനിമയെ ഈ ക്യാമ്പയിന് ബാധിക്കുന്നില്ലെന്നും വേണമെങ്കില് പുരുഷന്മാര്ക്കും ഒരു ‘മീ ടൂ’ ആകാമെന്നും അദ്ദേഹം പറഞ്ഞിരുന്നു.
https://twitter.com/RevathyAsha/status/1065219550487048194
Discussion about this post