പശ്ചിമബംഗാളില് ബി.ജെ.പി നടത്തുന്ന റാലികളില് നിന്നും ബി.ജെ.പി ദേശീയ അധ്യക്ഷന് അമിത് ഷാ മടങ്ങിയത് ഹെലികോപ്റ്റര് ഇറക്കാന് അനുമതി ലഭിക്കാത്തത് മൂലമാണെന്ന തെറ്റായ ആരോപണം തള്ളി ബി.ജെ.പി. അമിത് ഷായുടെ ആരോഗ്യപ്രശ്നങ്ങള് മൂലമാണ് അദ്ദേഹം തിരിച്ച് ഡല്ഹിയിലേക്ക് മടങ്ങിയതെന്ന് ബി.ജെ.പി നേതൃത്വം വ്യക്തമാക്കി. പന്നി പനി പിടിച്ചത് മൂലം ചികിത്സയിലായിരുന്ന അമിത് ഷാ കുറച്ച് ദിവസങ്ങള്ക്ക് മുന്പാണ് ഡല്ഹിയിലെ എയിംസ് ആശുപത്രിയില് നിന്നും പുറത്ത് വന്നത്.
അമിത് ഷാ തിരിച്ച് ഡല്ഹിയില് പോയത് മൂലം ഇന്നത്തെ റാലി റദ്ദാക്കിയിട്ടുണ്ട്. നാളത്തെ റാലിയും അനിശ്ചിതത്വത്തിലാണ്. മമതാ ബാനര്ജിയുടെ നേതൃത്വത്തില് ബംഗാളില് നടന്ന പ്രതിപക്ഷ ഐക്യ റാലിക്ക് അതേ തട്ടകത്തില് മറുപടി നല്കാനാണ് ദേശീയ അധ്യക്ഷന് അമിത് ഷായുടെ നേതൃത്വത്തില് ബിജെപി റാലികള് സംഘടിപ്പിച്ചത്. ആദ്യ റാലിയില് ഇന്നലെ അമിത് ഷാ സംസാരിക്കുകയും ചെയ്തിരുന്നു.
അമിത് ഷായുടെ ഹെലികോപ്റ്റര് മാല്ഡ വിമാനത്താവളത്തില് ഇറക്കുവാനുള്ള അനുമതി ജില്ലാ ഭരണകൂടം നിഷേധിച്ചിരുന്നു.
Discussion about this post