തിരുവനന്തപുരം: പെന്തകോസ്ത് പാസ്റ്റര്മാരുമായി കോണ്ഗ്രസ് നേതാക്കള് രഹസ്യയോഗം നടത്തിയെന്ന് വാര്ത്ത.. തിരുവനന്തപുരം മസ്ക്കറ്റ് ഹോട്ടലില് നടത്തിയ ചര്ച്ചയില് ആഭ്യന്തരമന്ത്രി രമേശ് ചെന്നിത്തല, കെപിസിസി പ്രസിഡന്റ് വി എം സുധീരന്, മന്ത്രി വി എസ് ശിവകുമാര് എന്നിവരും ആസൂത്രണ ബോര്ഡംഗം സി പി ജോണും പങ്കെടുത്തു.
ആറ്റിങ്ങലില് പെന്തക്കോസ് ആരാധനാലയങ്ങള്ക്ക് നേരെയുണ്ടായ ആക്രമണത്തിന്റെ പശ്ചാതലത്തിലാണ് യോഗം ചേര്ന്നതെന്നാണ് ഔദ്യോഗിക വിശദീകരണം. എന്നാല് അരുവിക്കര ഉപതെരഞ്ഞെടുപ്പില് പെന്തക്കോസ് വിഭാത്തിന്റെ വോട്ട് ഉറപ്പിക്കാന് വേണ്ടിയായിരുന്നു യോഗമെന്ന് എല്.ഡി.എഫും ബി.ജെ.പിയും ആരോപിക്കുന്നു.
മത സാമുദായിക വോട്ടുകള് നിര്ണായകമായ അരുവിക്കരയില് മതനേതാക്കളെസും, സാമുദായിക നേതാക്കളെയും സ്വാധീനിക്കാന് വിവിധ സ്ഥാനാര്ത്ഥികള് പതിനെട്ടടവും പയറ്റുകയാണ്. നാടാര് വോട്ടുകളുും, എന്എസ്എസ് വോട്ടുകളും ഏറെ നിര്ണായകമാണെന്നാണ് വിവിധ കക്ഷികളുടെ വിലയിരുത്തല്. മനസാക്ഷി വോട്ട് ചെയ്യാന് എസ്എന്ഡിപി ആഹ്വാനം ചെയ്ത സാഹചര്യത്തില് അവരുടെ പിന്തുണ നേടാനുള്ള ശ്രമവും കൊണ്ട് പിടിച്ച് നടക്കുകയാണ്.
Discussion about this post