കങ്കണയുടെ രാജ്യസ്‌നേഹത്തെ പരിഹസിച്ചതിനെ എതിര്‍ത്ത് അനുപം ഖേറും പരേഷ് റാവലും: സൂപ്പര്‍മാനും മറ്റും ശരിക്കും പറക്കുകയാണോയെന്ന് ചോദ്യം

ബോളിവുഡ് താരം കങ്കണാ റാവത്തിന്റെ രാജ്യസ്‌നേഹത്തെ പരിഹസിച്ച് കൊണ്ട് യുട്യൂബ് താരം ആകാശ് ബാനര്‍ജി ഇട്ട ട്വിറ്റര്‍ പോസ്റ്റിനെതിരെ ബോളിവുഡ് താരങ്ങളായ അനുപം ഖേറും പരേഷ് റാവലും രംഗത്ത്. കങ്കണ നായികയായെത്തിയ ചിത്രമായ ‘മണികര്‍ണിക’യുടെ സെറ്റില്‍ കങ്കണ ഒരു യന്ത്രക്കുതിരയുടെ മേല്‍ ഇരിക്കുന്ന വീഡിയോയാണ് ആകാശ് ബാനര്‍ജി ഇട്ടിരുന്നത്. കങ്കണയുടെ ദേശസ്‌നേഹമെന്താണെന്ന് പത്ത് സെക്കന്‍ഡിന് താഴെ പറയുകയാണ് ഈ വീഡിയോയെന്നും ആകാശ് ബാനര്‍ജി പറഞ്ഞു.

https://twitter.com/akashbanerjee/status/1098586585765953537

എന്നാല്‍ വീഡിയോയില്‍ കാണുന്നതിനെയാണ് അഭിനയമെന്ന് വിളിക്കുന്നതെന്നും ലോകമെമ്പാടുമുള്ള അഭിനേതാക്കള്‍ ഇത് ചെയ്യുന്നുണ്ടെന്നും അനുപം ഖേര്‍ ചൂണ്ടിക്കാട്ടി. ചിത്രങ്ങളിലെ അഭിനയത്തിന്റെ പേരില്‍ കങ്കണ വര്‍ഷങ്ങളോളം ഓര്‍ക്കപ്പെടുമെന്നും വെറും 15 മിനിറ്റിന്റെ പ്രശസ്തിക്ക് വേണ്ടിയാണ് ആകാശ് ബാനര്‍ജി ഇത്തരത്തിലുള്ള വില കുറഞ്ഞ വിമര്‍ശനങ്ങള്‍ നടത്തുന്നതെന്നും അനുപം ഖേര്‍ പറഞ്ഞു.

How much venom this man has against a self made actress #KanganaRanaut!! This is called ‘acting’ idiot. Actors all over the world do that. That is their job. She will be remembered for decades for her hard work in movies. While you got your fifteen minute fame by using her name. pic.twitter.com/y6vRo1eZfu

— Anupam Kher (@AnupamPKher) February 24, 2019

ആകാശ് ബാനര്‍ജിയെപ്പോലുള്ള വിവരമില്ലാത്തവര്‍ സൂപ്പര്‍മാനെയും ബാറ്റ്മാനെയും പോലുള്ള സൂപ്പര്‍ഹീറോകള്‍ ശരിക്കും പറക്കുകയും മറ്റ് ആക്ഷന്‍ രംഗങ്ങള്‍ ചെയ്യുകയുമാണെന്ന് വിശ്വസിക്കുന്നുവെന്ന് പരേഷ് റാവല്‍ പറഞ്ഞു.

According to these dimwits and pinheads they believe that superman and Batman in Hollywood films are actually flying and it’s not some camera trick or CG effects …! https://t.co/9Ko4UdJru0

— Paresh Rawal (@SirPareshRawal) February 25, 2019