സൗദി പോലുള്ള ഗള്ഫ് രാജ്യങ്ങളിലേക്ക് പോകുന്നതിനായി വ്യാജമെഡിക്കല് സര്ട്ടിഫിക്കറ്റുകള് നല്കുന്ന റാക്കറ്റ് കേരളത്തില് സജീവമാണെന്ന് വെളിപ്പെടുത്തല്. സൗദിയിലേക്ക് പോകുന്നവര്ക്ക് കേരളം കേന്ദ്രീകരിച്ച് പ്രവര്ത്തിക്കുന്ന ലോബി ഫിറ്റ്നസ് സര്ട്ടിഫിക്കറ്റ് സംഘടിപ്പിച്ചു നല്കുന്നതായും, ഇത്തരത്തില് നിരവധി പേര് രാജ്യത്ത് എത്തുന്നതായും സൗദി മന്ത്രാലയം പരാതിപ്പെട്ടുവെന്ന് വിക്കിലിക്ലാണ് വെളിപ്പെടുത്തിയത്.
സൗദി അറേബ്യയിലേക്ക് ജോലിക്കായി പോകുന്നവര്ക്ക് നിര്ബന്ധമായ മെഡിക്കല് ഫിറ്റ്നസ് സര്ട്ടിഫിക്കറ്റുകളാണ് മാരകരോഗങ്ങള് പോലും മറച്ചുവെച്ച് കേരളത്തിലെ ചില ഏജന്സികള് നല്കുന്നതെന്നാണ് സൗദിയുടെ പരാതി. ഇക്കാര്യം അന്വേഷിക്കണമെന്ന് സൗദി അറേബ്യന് എംബസി ഇന്ത്യന് വിദേശകാര്യ മന്ത്രാലയത്തിന് കൈമാറിയ പരാതിയില് ആവശ്യപ്പെട്ടുവെന്നാണ് വിക്കിലീക്സിന്റെ വെളിപ്പെടുത്തല്.
സൗദിയുമായി ബന്ധപ്പെട്ട നിരവദി രേഖകള് വിക്കിലിക്സ് കഴിഞ്ഞ ദിവസം പുറത്ത് വിട്ടിരുന്നു. ഇതിലാണ് കേരളത്തിലെ വ്യാജസര്ട്ടിഫിക്കറ്റ് ലോബിയെ കുറിച്ച് പരാമര്ശമുള്ളത്.
Discussion about this post