സന്ദേശം എന്ന സിനിമ മുന്നോട്ട് വക്കുന്ന നല്ല രാഷ്ട്രീയം കാണാതെയാണ് ശ്യാം പുഷ്ക്കരന്റെ വിമര്ശനമെന്ന് നടനും സംവിധായകനുമായ ശ്രീനിവാസന്. എനിക്ക് രാഷ്ട്രീയമുണ്ട്. പക്ഷേ ഒരു കൊടിയുടെ മുന്പില് സല്യൂട്ട് ചെയ്യുന്ന രാഷ്ട്രീയമല്ല’. ശ്രീനിവാസന് പറഞ്ഞു.ന്യൂജനറേഷന് ചിത്രങ്ങളില് നല്ല സിനിമകള് വളരെ കുറവാണെന്നും ചിലത് സഹിക്കാന് പറ്റില്ലെന്നും ശ്രീനിവാസന് പറഞ്ഞു.
സിനിമയില് തിലകന് പറയുന്ന ഒരു ഡയലോഗ് ചൂണ്ടിക്കാണിച്ചാണ് ശ്യാം പുഷ്കരന്റെ വിമര്ശനത്തെ ശ്രീനിവാസന് നേരിട്ടത്. ‘സന്ദേശം എന്ന സിനിമയില് തിലകന് ചേട്ടന്റെ ഡയലോഗുണ്ട്. ‘രാഷ്ട്രീയം നല്ലതാണ്, അത് നല്ലയാളുകള് പറയുമ്പോള്.ആദ്യം സ്വയം നന്നാകണം, പിന്നെയാണ് നാട് നന്നാക്കേണ്ടത് എന്നും പറയുന്നുണ്ട്. പിന്നെങ്ങനെയാണ് ആ സിനിമ അരാഷ്ട്രീയ വാദം ആകുന്നത്?
സന്ദേശം സിനിമ ഒരു സന്ദേശവും നല്കുന്നില്ലെന്നും ചിത്രം മുന്നോട്ടുവെക്കുന്ന ആശയത്തില് വിയോജിപ്പുണ്ടെന്നും ചിത്രം അരാഷ്ട്രീയ വാദമാണ് പറയുന്നതെന്നും റേഡിയോ മാംഗോയ്ക്ക് നല്കിയ അഭിമുഖത്തില് ശ്യാം പുഷ്കരന് പറഞ്ഞിരുന്നു. ഇത് ഏറെ വിമര്ശനങ്ങള്ക്കും ചര്ച്ചകള്ക്കും വഴിതെളിച്ചിരുന്നു.മനോരമയുമായുള്ള അഭിമുഖത്തിലാണ് ശ്രീനിവാസന് വിമര്ശനത്തിന് മറുപടി പറഞ്ഞത്. ശ്രീനിവാസന് സത്യന് അന്തിക്കാട് കൂട്ടുകെട്ടില് പിറന്ന ചിത്രമാണ് സന്ദേശം.
Discussion about this post