അമേരിക്കയുടെ എതിര്പ്പുകളെ അവഗണിച്ച് വീണ്ടും മിസൈല് പരീക്ഷണങ്ങള് തുടരുന്നുണ്ടെന്ന് സമ്മതിച്ച് ഉത്തരകൊറിയ. ഉത്തരകൊറിയയുടെ ഔദ്യോഗിക വാര്ത്ത എജന്സിയാണ് വാര്ത്ത സ്ഥിരീകരിക്കുന്ന ഫോട്ടോകള് പുറത്തുവിട്ടത്. സൈനീക അഭ്യാസത്തിന്റെ ഭാഗമായായിരുന്നു പരീക്ഷണം. ഔദ്യോഗിക റിപ്പോര്ട്ട് പ്രകാരം 420 കിലോമീറ്റര് ദൂരപരിധിയുള്ളതും 270 കിലോമീറ്റര് പരിധിയുമുള്ള രണ്ട് മിസൈലുകളാണ് വിജയകരകമായി പരീക്ഷിച്ചത്.
എന്നാല് എത്തരത്തിലുള്ള മിസൈലുകളാണ് പരീക്ഷിച്ചതെന്ന് വ്യക്തമാക്കാന് വാര്ത്താ ഏജന്സി തയാറായില്ല. ആണവായുധം വഹിക്കാന് ശേഷിയുള്ള മിസൈലാണോ പരീക്ഷിച്ചതെന്നാണ് ലോകരാജ്യങ്ങള് ഉറ്റുനോക്കുന്നത്. അങ്ങനെയാണെങ്കില് രാജ്യാന്തര തലത്തില് അമേരിക്ക ഉത്തരകൊറിയ സംഘര്ഷം വീണ്ടും ഉടലെടുക്കും. ഉത്തരകൊറിയന് ഭരണാധികാരി കിം ജോങ് ഉന് സൈനികാഭ്യാസങ്ങള് വീക്ഷിക്കുന്ന ഫോട്ടോകളാണ് ഇപ്പോള് പുറത്ത് വന്നിരിക്കുന്നത്.
ആണവായുധങ്ങളുടെ നിര്മാണം ഉത്തരകൊറിയ നിര്ത്തണമെന്ന് ആവശ്യപ്പെട്ട് അമേരിക്കന് പ്രസിഡന്റുമായി കിം ചര്ച്ചകള് നടത്തിയരുന്നെങ്കിലും വ്യക്തമായ തീരുമാനങ്ങളില്ലാതെയാണ് ചര്ച്ചകള് അവസാനിച്ചത്. ഈ സാഹചര്യത്തിലാണ് ഉത്തരകൊറിയയുടെ മിസൈല് പരീക്ഷണങ്ങള്.
Discussion about this post