വിഴിഞ്ഞം തുറമുഖ പദ്ധതി വൈകിപ്പിച്ചാല്‍ ജനകീയ സമരത്തിലേയ്ക്കു നീങ്ങുമെന്ന് ബിജെപി. മുതിര്‍ന്ന ബിജെപി നേതാവ് ഒ രാജഗോപാല്‍ മുഖ്യമന്ത്രി ഉമ്മന്‍ ചാണ്ടിയുമായി നടത്തിയ കൂടിക്കാഴ്ചയിലാണ് ഇക്കാര്യം അറിയിച്ചത്. എന്നാല്‍ ഹൈക്കമാന്‍ഡ് വിഷയത്തില്‍ അതൃപ്തി അറിയിച്ചിട്ടില്ല എന്ന് മുഖ്യമന്ത്രി പറഞ്ഞതായി രാജഗോപാല്‍ പറഞ്ഞു.
അതേസമയം, ഹൈക്കമാന്‍ഡിനെ അറിയിക്കാതെയുള്ള വിഴിഞ്ഞം കരാര്‍ ദുരൂഹമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ആരോപിച്ചു. സര്‍വകക്ഷിയോഗത്തില്‍ കെപിസിസി പ്രസിഡന്റ് വി.എം. സുധീരന്‍ പങ്കെടുത്തില്ല. ഇതും ഹൈക്കമാന്‍ഡിന്റെ അതൃപ്തിയും തമ്മില്‍ ബന്ധമുണ്ടെന്നും കോടിയേരി പറഞ്ഞു.
Discussion about this post