പ്രധാനമന്ത്രി നരേന്ദ്ര മോദിയുടെ മൊബൈല് ആപ്ലിക്കേഷന് വേണ്ട്ത്ര പ്രയോജനകരമല്ലെന്ന് ബിബിസി റിപ്പോര്ട്ട്.സാങ്കേതിക വിദഗ്ധന് ക്രിഷ് രാഘവാണ് ബിബിസിക്കു വേണ്ടി ആപ്പിന്റെ അവലോകനം നടത്തിയത്.
നരേന്ദ്ര മോദിയുടെ മോബൈല് ആപ്ലിക്കേഷന് സര്ക്കാര് പ്രവര്ത്തനങ്ങള് അംഗീകരിക്കാനും സുഹൃത്തുക്കള്ക്ക് ഷെയര് ചെയ്യാനുമുള്ള അവസരങ്ങള്ക്കാണ് പ്രാധാന്യം നല്രിയിരിക്കുന്നത്. എന്നാല് എന്താണ് തങ്ങള് അംഗീകരിക്കുന്നത് എന്ന് ഉപയോക്താക്കള്ക്ക് തന്നെ വ്യക്തത ലഭിക്കാത്ത രീതിയിലാണ് ആപ്ലിക്കേഷന് രൂപകല്പന ചെയ്തിരിക്കുന്നത് എന്നാണ് വിലയിരുത്തല്. ആപ്ലിക്കേഷനിലെ പോള് വിഭാഗത്തില് സര്ക്കാരിന്റെ പ്രവര്ത്തനങ്ങളില് ഏറ്റവും മെച്ചപ്പെട്ടത് ഏതെന്ന ചോദ്യമാണുള്ളത്.എല്ലാ വിഭാഗത്തിലും സര്ക്കാര് പ്രവര്ത്തനങ്ങള് ഷെയര് ചെയ്യാനുള്ള ഓപ്ഷനും ആവര്ത്തിച്ചു പ്രത്യക്ഷപ്പെടുന്നുണ്ട്.
ആപ്ലിക്കേഷനിലെ മോദിയുമായി ബന്ധപ്പെട്ട് വാര്ത്തകള് വായിക്കണമെങ്കില് ഫേസ്ബുക്കിലൂടെയോ ട്വിറ്ററിലൂടെയോ ഗൂഗിള് പ്ലസ്സിലൂടെയോ ലോഗിന് ചെയ്തേ മതിയാകു എന്നതാണ് മറ്റൊരു പരിമിതി.
ആപ്ലിക്കേഷനിലെ മറ്റൊരു ഓപ്ഷന് ഒരു വീഡിയോ ഗെയ്മാണ്.സര്്ക്കാര് നയങ്ങള് അംഗീകരിക്കാനുള്ള സാധ്യതകള് ഗെയ്മിന്റെ കൂപത്തിലാക്കി ഉള്പ്പെടുത്തിയിരിക്കുന്ന വിഭാഗമാണിത്. പോസ്റ്റുകള് ലൈക്കു ചെയ്ത് സര്ക്കാര് നയങ്ങള് അംഗീകരിക്കുകയാണ് പോയിന്റുകള് നേടാനുള്ള ഒരു വഴി. അല്ലെങ്കില് അവ ഷെയര് ചെയ്യണം. ഇത്തരത്തില് നയങ്ങള് അംഗീകരിക്കുന്നതിലും അത് സുഹൃത്തുക്കള്ക്ക്് ഷെയര് ചെയ്യുന്നതിനും ഒതുങ്ങി നില്ക്കുന്നു എന്നതാണ് മോദി ആപ്പിന്റെ പ്രധാന പരിമിതിയെന്ന് ക്രിഷ് രാഘവ് ചൂണ്ടിക്കാട്ടുന്നു.
മോദിയുടെ ജീവചരിത്രവും, പത്രക്കുറിപ്പുകളും, മന് കി ബാത് പരിപാടിയുെട ശബ്ദരേഖകളുമാണ് ആപ്പിലെ മറ്റു വിഭവങ്ങള്. എന്നാല് ഇത്തരത്തിലുള്ള ലേഖനങ്ങളും വാര്ത്തകളും വായിക്കുന്നതിന് സൂം ചെയ്യാനുള്ള ഓപ്ഷന് ഇല്ല എന്നതാണ് ആപ്പിന്റെ മറ്റൊരു പോരായ്മയെന്നും ബിബിസി റിപ്പോര്ട്ട് പറയുന്നു.
Discussion about this post