ശ്രീലങ്ക വഴി കടല് മാര്ഗം ലഷ്കര്-ഇ-ത്വയിബ ഭീകരര് തമിഴ്നാട്ടിലെത്തിയെന്ന ഇന്റലിജന്സ് റിപ്പോര്ട്ടിന്റെ പശ്ചാത്തലത്തില് കേരളത്തിലും അതീവ ജാഗ്രതാനിര്ദ്ദേശം. സംസ്ഥാന പോലീസ് മേധാവി ലോകനാഥ് ബെഹ്റ ജില്ലാ പോലീസ് മേധാവികള്ക്ക് ഇത് സംബന്ധിച്ച് നിര്ദ്ദേശം നല്കി.
ബസ്സ് സ്റ്റാന്റുകള്, റെയില്വേ സ്റ്റേഷനുകള്, വിമാനത്താവളങ്ങള് എന്നിവിടങ്ങളിലും ജനങ്ങള് കൂടുന്ന മറ്റ് സ്ഥലങ്ങളിലും ജാഗ്രത പുലര്ത്താന് നിര്ദ്ദേശിച്ചിട്ടുണ്ട്.ആരാധനാലയങ്ങള്ക്ക് ചുറ്റും നിരീക്ഷണവും സുരക്ഷയും ശക്തമാക്കും. തമിഴ്നാടുമായി അതിര്ത്തി പങ്കിടുന്ന ജില്ലകളിലും പരിശോധന കര്ശനമാക്കും.
സംശയാസ്പദമായ സാഹചര്യങ്ങളോ വസ്തുക്കളോ ശ്രദ്ധയില്പ്പെട്ടാല് 112 എന്ന നമ്പറിലോ സംസ്ഥാന പോലീസ് മേധാവിയുടെ കണ്ട്രോള് റൂമിലോ (0471 2722500) അറിയിക്കണമെന്ന് അദ്ദേഹം പൊതുജനങ്ങളോട് അഭ്യര്ത്ഥിച്ചു.
ശ്രീലങ്ക വഴി ആറ് ലഷ്കര്-ഇ-ത്വയിബ ഭീകരര് ഇന്ത്യയിലേക്ക് കടന്നതായി ഇന്റലിജന്സ് റിപ്പോര്ട്ടുണ്ടായിരുന്നു. സംഘത്തില് ഒരാൾ ഒരു പാകിസ്ഥാന് സ്വദേശിയാണ്. സംഘം തമിഴ്നാട്ടിലെ കോയമ്പത്തൂരില് എത്തിയെന്നാണ് വിവരം.
അതേസമയം ഇൌ ആറംഗ ഭീകരസംഘത്തിൽ മലയാളിയും ഉള്ളതായി ഏജൻസികൾ സ്ഥിരീകരിച്ചിട്ടുണ്ട്.തൃശൂർ കൊടുങ്ങല്ലൂർ മാടവന സ്വദേശി അബ്ദുൾ ഖാദർ റഹീമാണ് ഭീകരരില് ഒരാൾ ഇയാളുടെ സഹായത്തോടെയാണ് ഭീകരര് ശ്രീലങ്കയില്നിന്ന് തമിഴ്നാട് തീരത്തെത്തിയതെന്നാണ് ലഭിക്കുന്ന വിവരം.
Discussion about this post