രാജ്യത്തെ പണപ്പെരുപ്പം പൂര്ണമായും നിയന്ത്രിക്കാനാവുന്നത് ആണെന്ന് ധനമന്ത്രി നിര്മലാ സീതാരാമന്. 2014 മുതല് പണപ്പെരുപ്പം ഉയര്ന്നിട്ടില്ലെന്നും ധനമന്ത്രി വ്യക്തമാക്കി. യു.പി.എ സര്ക്കാരിന്റെ 2009 മുതല് 14 വരെയുള്ള കാലയളവില് ആയിരുന്നു വിലക്കയറ്റം എന്നും ആ സമയത്ത് രണ്ട് അക്കത്തില് ആയിരുന്നു സാധനങ്ങളുടെ വില വര്ധനയെന്നും അവര് കൂട്ടിച്ചേര്ത്തു.
ജൂലൈയിലെ റീട്ടെയ്ല് പണപ്പെരുപ്പത്തില് നേരിയ കുറവ് രേഖപ്പെടുത്തിയിരുന്നു. റിസര്വ് ബാങ്ക് നാല് ശതമാനത്തില് എത്തിക്കാനാണ് ലക്ഷ്യം വച്ചതെങ്കിലും അതിലും താഴേക്ക് പണപ്പെരുപ്പം കുറഞ്ഞു. ഇത് നിരക്കുകള് കുറയ്ക്കുന്നതിന് ബാങ്കിനെ പ്രേരിപ്പിച്ചേക്കും എന്നാണ് സൂചന.
വാര്ഷിക റീട്ടെയ്ല് പണപ്പെരുപ്പം 3.15 ശതമാനം ആയിരുന്നു. ജൂണില് ഇത് എട്ട് മാസത്തെ ഉയരത്തില് എത്തിയിരുന്നു. 3.18 ശതമാനം ആയിരുന്നു പണപ്പെരുപ്പം. രാജ്യത്ത് സമ്പദ് വ്യവസ്ഥയില് പ്രകടമായ മുരടിപ്പ് ചാക്രികമാണോ, ഘടനാപരമാണോ എന്നത് സംബന്ധിച്ച വാദങ്ങള് നില വില്ക്കുന്നതിനിടെയാണ് പണപ്പെരുപ്പം സര്ക്കാരിന്റെ നിയന്ത്രണത്തിലാണെന്ന പ്രഖ്യാപനവുമായി ധനമന്ത്രി എത്തിയത്.
Discussion about this post