സിനിമാ നടന് വിനായകന് സ്ത്രീത്വത്തെ അപമാനിക്കും വിധം സംസാരിച്ചെന്ന് പോലിസ് കുറ്റപത്രം. വിനായകനെതിരായ യുവതിയുടെ പരാതിയിലാണ് പൊലീസ് കോടതിയില് കുറ്റപത്രം സമര്പ്പിച്ചത്. വിനായകന് തെറ്റ് സമ്മതിച്ചെന്നും കല്പറ്റ പൊലീസ് തയ്യാറാക്കിയ കുറ്റപത്രത്തില് പറയുന്നു.
കഴിഞ്ഞ ഏപ്രില് മാസം വയനാട്ടില് സംഘടിപ്പിച്ച ചടങ്ങിലേക്ക് അതിഥിയായി ക്ഷണിക്കാന് ഫോണില് വിളിച്ചപ്പോള് കേട്ടാലറയ്ക്കുന്ന ഭാഷയില് സ്ത്രീത്വത്തെ അപമാനിക്കും വിധം വിനായകന് തന്നോട് സംസാരിച്ചെന്നാണ് യുവതി പൊലീസില് നല്കിയ പരാതി.
പരാതിയില് നടനെതിരെ കേസെടുത്ത പൊലീസ്, അശ്ലീല ചുവയോടെ സംസാരിച്ചു, സ്ത്രീത്വത്തെ അധിക്ഷേപിക്കുംവിധം സംസാരിച്ചു തുടങ്ങി പരമാവധി ഒരു വര്ഷം വരെ തടവുശിക്ഷ ലഭിക്കാവുന്ന മൂന്ന് കുറ്റങ്ങളാണ് ചുമത്തിയത്.കേസിന്റെ വിചാരണ വൈകാതെ ആരംഭിക്കും.
Discussion about this post