ഡൽഹി: അമേരിക്കയുമായി നിലനിൽക്കുന്ന പ്രശ്നങ്ങൾ ഒരിക്കലും ഇന്ത്യയുമായുള്ള ബന്ധത്തെ ബാധിക്കില്ലെന്ന് ഇറാൻ. ഇറാനിയൻ റെവല്യൂഷനറി ഗാർഡ് കമാൻഡർ മേജർ ജനറൽ ഖാസിം സുലൈമാനി അമേരിക്കൻ വ്യോമാക്രമണത്തിൽ കൊല്ലപ്പെട്ടതിനെ തുടർന്ന് നിലനിൽക്കുന്ന സംഘർഷങ്ങളെക്കുറിച്ച് ഡൽഹിയിൽ മാദ്ധ്യമ പ്രവർത്തകരോട് സംസാരിക്കവെയാണ് ഇറാനിയൻ സാംസ്കാരിക വകുപ്പ് സഹമന്ത്രി ഡോക്ടർ മൊഹ്സിൻ ജവാദി ഇക്കാര്യം വ്യക്തമാക്കിയത്.
ആക്രമണത്തെ ശക്തിയായി അപലമിക്കുന്നതായും ശക്തമായ തിരിച്ചടി ഉടൻ ഉണ്ടാകുമെന്നും അദ്ദേഹം വ്യക്തമാക്കി. ഇറാനും ഇന്ത്യയുമായുള്ള ബന്ധം മറ്റെല്ലാ വിഷയങ്ങളെയും അതിജീവിച്ച് നിലനിൽക്കുന്നതാണ്. ഈ ബന്ധം അഗാധവും പക്വവുമാണ്. ഈ ആക്രമണം അതിനെ ഒരു തരത്തിലും ബാധിക്കില്ല. ഡൽഹിയിൽ പുസ്തകമേളയുമായി ബന്ധപ്പെട്ടുള്ള വാർത്താസമ്മേളനത്തിൽ ജവാദി പറഞ്ഞു. സംസ്കാരത്തിലൂടെയും സാഹിത്യത്തിലൂടെയും ഇന്ത്യയും ഇറാനും തമ്മിലുള്ള ബന്ധം ദൃഢമാക്കേണ്ട സന്ദർഭമാണ് ഇതെന്നും അദ്ദേഹം കൂട്ടിച്ചേർത്തു.
Discussion about this post