രൂക്ഷമായ കാലാവസ്ഥാ വ്യതിയാനങ്ങൾ കാരണം കഴിഞ്ഞ വർഷം ഇന്ത്യയിൽ മരിച്ചത് 2038 പേരെന്ന് ശാസ്ത്ര പരിസ്ഥിതി ഗവേഷണ വിഭാഗം. എൻവിറോൺമെന്റ് 2020 എന്ന വാർഷിക പരിസ്ഥിതി റിപ്പോർട്ടിലാണ് കാലാവസ്ഥാ വ്യതിയാനം മൂലം മരിച്ചവരുടെ കണക്ക് വെളിപ്പെടുത്തിയിരിക്കുന്നത്.
അതേസമയം, 2018-ൽ കാലാവസ്ഥയിലുണ്ടായ വ്യതിയാനങ്ങൾ മൂലം മരിച്ചവരുടെ എണ്ണം 1396 ആയിരുന്നു.2018-ൽ, 23 രൂക്ഷമായ കാലാവസ്ഥാ വ്യതിയാനങ്ങളും, 2019-ൽ ഒമ്പതെണ്ണവുമാണ് റിപ്പോർട്ട് ചെയ്തിട്ടുള്ളത്. രാജസ്ഥാൻ മുഖ്യമന്ത്രി അശോക് ഗെലോട്ട്, ആൽവാറിൽ നടന്ന വാർഷിക മാധ്യമ സംവാദത്തിൽ വെളിപ്പെടുത്തിയതാണ് ഈ കണക്കുകൾ.വരൾച്ച, കാട്ടുതീ, പ്രളയം, മണ്ണിടിച്ചിൽ, കടുത്ത വേനൽ, മഞ്ഞുവീഴ്ച, കൊടുങ്കാറ്റ് എന്നിവയാണ് രൂക്ഷമായ കാലാവസ്ഥാ വ്യതിയാനങ്ങളായി പൊതുവേ കണക്കാക്കുന്നത്.
Discussion about this post