ഡല്ഹി: രാജ്യദ്രോഹക്കേസിൽ കനയ്യ കുമാറിനെ പ്രോസിക്യൂട്ട് ചെയ്യാന് അനുമതി നല്കിയ കെജ്രിവാള് സര്ക്കാരിനെതിരേ വിമര്ശനവുമായി കോണ്ഗ്രസ്. ആം ആദ്മി പാര്ട്ടിയുടെ ചിന്ത ബിജെപിയുടെ ചിന്തയ്ക്ക് തുല്യമാണെന്നും ഇരുവരും ഒരു നാണയത്തിന്റെ ഇരുവശങ്ങളാണെന്നും കോണ്ഗ്രസ് വ്യക്തമാക്കി.
നടപടി കെജ്രിവാളിന്റെയും സര്ക്കാരിന്റെയും മുഖം തുറന്നുകാട്ടുന്നതായി മുതിര്ന്ന കോണ്ഗ്രസ് വക്താവ് ആനന്ദ് ശര്മ പറഞ്ഞു. സിഎഎയോ എന്പിആറോ എന്തായാലും ആം ആദ്മി പാര്ട്ടിക്ക് ബിജെപിയുടെ അതേ ചിന്താഗതിയാണുള്ളതെന്നും ആനന്ദ് കൂട്ടിച്ചേര്ത്തു.
രാജ്യദ്രോഹക്കേസില് കനയ്യ കുമാറിനെയും മറ്റ് ഒമ്പതുപേരെയും വിചാരണ ചെയ്യാന് ഡല്ഹി സര്ക്കാര് സിറ്റി പോലീസിന് കഴിഞ്ഞ ദിവസം അനുമതി നല്കിയിരുന്നു.
Discussion about this post