ഇറ്റലിയിൽ ഹണിമൂൺ യാത്രയ്ക്ക് പോയ വരന് കൊറോണ, വധുവിന് രോഗലക്ഷണം, വിവരങ്ങൾ മറച്ചു വച്ചു ബന്ധുക്കൾ : പെൺകുട്ടിയ്ക്കും വീട്ടുകാർക്കുമെതിരെ ഒന്നടങ്കം കേസെടുത്ത് യോഗി സർക്കാർ

രോഗവിവരം മറച്ചു വച്ചതിന് പെൺകുട്ടിയ്ക്കും ബന്ധുക്കൾക്കും എതിരെ ഉത്തർപ്രദേശ് സർക്കാർ കേസെടുത്തു.വിവാഹം കഴിഞ്ഞ് മധുവിധുവിനായി ഇറ്റലിയിലേക്ക് പോയ നവദമ്പതികൾക്കാണ് കൊറോണ ബാധിച്ചത്.

യാത്ര കഴിഞ്ഞ് മടങ്ങിയെത്തിയ വരനെ രോഗലക്ഷണങ്ങളോടു കൂടി ബാംഗ്ലൂരിൽ ആശുപത്രിയിൽ അഡ്മിറ്റാക്കി.ശേഷം, വീട്ടിലേക്ക് മടങ്ങിയ പെൺകുട്ടിക്കും രോഗലക്ഷണങ്ങൾ പ്രകടമാവുകയായിരുന്നു.വിവരങ്ങൾ അന്വേഷിക്കാൻ വീട്ടിലെത്തിയ ആരോഗ്യവകുപ്പ് ഉദ്യോഗസ്ഥരെ പെൺകുട്ടിയും കുടുംബാംഗങ്ങളും തെറ്റായ വിവരങ്ങൾ നൽകി മടക്കി അയക്കാൻ ശ്രമിക്കുകയും ചെയ്തു. ഉദ്യോഗസ്ഥർ വിവരങ്ങൾ പോലീസിൽ അറിയിച്ചതോടെയാണ് സംഭവങ്ങൾ പെൺകുട്ടിയും വീട്ടുകാരും വെളിപ്പെടുത്തുന്നത്. സിആർപിസി സെക്ഷൻ 269, 270 പ്രകാരം പോലീസ് കേസെടുത്തു.