രാജ്യമൊട്ടാകെ പടർന്നുപിടിക്കുന്ന രോഗത്തിലും സേവനം ചെയ്ത് സിഖ് സമൂഹം.നിരവധി കോവിഡ് കേസുകൾ റിപ്പോർട്ട് ചെയ്ത ഡൽഹിയിൽ, രോഗികളുടെ ചികിത്സാ സൗകര്യാർത്ഥം ഗുരുദ്വാര കേന്ദ്രമാക്കി മാറ്റി. ഡൽഹിയിലെ മജ്നു കാ തില്ലാ സാഹിബ് ഗുരുദ്വാരയിലാണ് 12 മുറികൾ ക്വാറന്റൈൻ ചെയ്യാനുള്ള സൗകര്യം ഗുരുദ്വാര അധികൃതർ ഒരുക്കി നൽകിയത്.
സകല സൗകര്യങ്ങളുമുള്ള സാനിട്ടൈസ് ചെയ്ത 12 മുറികൾ ക്വാറന്റൈൻ സൗകര്യാർഥം തയ്യാറാക്കിയിട്ടുണ്ടെന്ന് കാണിച്ച് ഡൽഹി സിഖ് ഗുരുദ്വാര മാനേജ്മെന്റ് കമ്മിറ്റി, മുഖ്യമന്ത്രി അരവിന്ദ് കെജ്രിവാളിന് കത്തയച്ചിരുന്നു. രോഗികൾക്കും ആരോഗ്യ പ്രവർത്തകർക്കും മൂന്നുനേരം ഭക്ഷണവും നൽകാൻ തയ്യാറാണെന്ന് അധികൃതർ സൂചിപ്പിച്ചിട്ടുണ്ട്.വിശക്കുന്നവർക്ക് സൗജന്യഭക്ഷണമായ “ലങ്കാർ” നൽകുകയെന്നത് സിഖ് മതസ്ഥരുടെ കുലധർമ്മമാണ്.ഡൽഹിയിലുള്ള നിരവധി ഗുരുദ്വാരകൾ, ആഹാരമില്ലാത്തവർക്ക് പായ്ക്കറ്റുകളിൽ ആഹാരം നൽകുന്നുണ്ട്.
Discussion about this post