ജനം ടിവി ജീവനക്കാര്ക്ക് ഭക്ഷണമില്ല എന്ന വ്യാജപ്രചരണം നടത്തിയവര്ക്ക് ചാനല് മാനേജിംഗ് ഡയറക്ടര് പി.കെ വിശ്വരൂപന്റെ മറുപടി. ജീവനക്കാര്ക്ക് ഒരു മാസം പോലും മുടങ്ങാതെ ശമ്പളം നല്കിയിട്ടുള്ള ഒരു പ്രസ്ഥാനത്തെ മന:പൂര്വ്വം അവഹേളിക്കാന് വേണ്ടിയാണ് ഇത്തരം പ്രചാരണമെന്നും, പറയാനാരുമില്ലാത്തവര്ക്ക് വേണ്ടി ശബ്ദമുയര്ത്തുന്നതു കൊണ്ടാണ് ജനം ടിവി ഈ എതിര്പ്പുകള് നേരിടുന്നതെന്നും അദ്ദേഹം ഫേസ്ബുക്ക് കുറിപ്പില് വ്യക്തമാക്കി.
ഹവാല പണമോ രാജ്യവിരുദ്ധ ശക്തികളുടെ കുഴല്പ്പണമോ കള്ളപ്പണമോ ഉപയോഗിച്ചല്ല ജനം ടിവി ആരംഭിച്ചത്. തീവ്രവാദത്തിനും രാജ്യവിരുദ്ധതയ്ക്കും വേണ്ടി വിദേശ രാജ്യങ്ങളില് നിന്ന് ഒഴുക്കുന്ന പെട്രോ ഡോളറുകളും ജനം ടിവി തുടങ്ങാന് ഉപയോഗിച്ചിട്ടില്ലെന്ന് അഭിമാനത്തോടെ പറയാന് കഴിയുമെന്നും അദ്ദേഹം പറഞ്ഞു.
കുറിപ്പ് ഇങ്ങനെ
പായിപ്പാട്ടെ ഇതര സംസ്ഥാന തൊഴിലാളികള് ഉയര്ത്തിയ വിഷയം സംപ്രേഷണം ചെയ്യുന്നതിനിടെ അവര്ക്ക് ഭക്ഷണവും വെള്ളവുമില്ല എന്ന വിവരം ജനം ടിവി കാര്ഡായി നല്കിയിരുന്നു. ഈ കാര്ഡ് വ്യാജമായി ഉപയോഗിച്ച് ജനം ടിവിയിലെ ജോലിക്കാര്ക്ക് ശമ്പളവും ഭക്ഷണവുമൊന്നും കിട്ടുന്നില്ലെന്ന ഒരു പ്രചാരണം ചില തത്പര കക്ഷികള് സാമൂഹ്യ മാദ്ധ്യമങ്ങള് വഴി പ്രചരിപ്പിക്കുന്നത് ശ്രദ്ധയില്പെട്ടു. ഒരു രാഷ്ട്രീയ പാര്ട്ടിയോട് അടിമത്തമുള്ള ട്രോള് പേജും അങ്ങനെയൊരു പ്രചാരണം നടത്തുന്നതും കണ്ടു.
ഹവാല പണമോ രാജ്യവിരുദ്ധ ശക്തികളുടെ കുഴല്പ്പണമോ കള്ളപ്പണമോ ഉപയോഗിച്ചല്ല ജനം ടിവി ആരംഭിച്ചത്. തീവ്രവാദത്തിനും രാജ്യവിരുദ്ധതയ്ക്കും വേണ്ടി വിദേശ രാജ്യങ്ങളില് നിന്ന് ഒഴുക്കുന്ന പെട്രോ ഡോളറുകളും ജനം ടിവി തുടങ്ങാന് ഉപയോഗിച്ചിട്ടില്ലെന്ന് അഭിമാനത്തോടെ പറയാന് കഴിയും.
അധികാര കേന്ദ്രങ്ങളുടെ തിണ്ണ നിരങ്ങിയും അവര്ക്ക് മുന്നില് പഞ്ചപുച്ഛമടക്കിപ്പിടിച്ചും ഉപജാപക സംഘത്തിന്റെ ഭാഗമായി പ്രവര്ത്തിക്കുന്നവരല്ല ജനം ടിവിയുടെ പിന്നിലുള്ളതും.രാഷ്ട്രത്തിനു വേണ്ടി ദിവസവും ഒരു രൂപയെങ്കിലും നീക്കിവയ്ക്കണമെന്ന് ചിന്തിക്കുന്ന സാധാരണക്കാരില് സാധാരണക്കാരുടെ അദ്ധ്വാനവും വിയര്പ്പുമാണ് ഈ ചാനലിന്റെ അടിസ്ഥാനം. അവരുടെ ആദര്ശവും പ്രതീക്ഷയുമാണ് ഈ ചാനലിനെ മുന്നോട്ട് നയിക്കുന്നതും.
ജീവനക്കാര്ക്ക് ഒരു മാസം പോലും മുടങ്ങാതെ ശമ്പളം നല്കിയിട്ടുള്ള ഒരു പ്രസ്ഥാനത്തെ മന:പൂര്വ്വം അവഹേളിക്കാന് വേണ്ടിയാണ് ഈ പ്രചാരണമെന്നറിയാം. പറയാനാരുമില്ലാത്തവര്ക്ക് വേണ്ടി ശബ്ദമുയര്ത്തുന്നതു കൊണ്ടാണ് ജനം ടിവി ഈ എതിര്പ്പുകള് നേരിടുന്നതെന്നും ഞങ്ങള്ക്ക് നന്നായറിയാം. പക്ഷേ ഇതൊന്നും ഞങ്ങളെ പിന്തിരിപ്പിക്കില്ലെന്ന് താഴ്മയോടെ ഒപ്പം അതിരറ്റ അഭിമാനത്തോടെ അറിയിക്കുന്നു.
ദുഷ്പ്രചാരണങ്ങള് തുടര്ന്നോളൂ ; ജനം ഇവിടെത്തന്നെയുണ്ടാകും.. !
നിശ്ശബ്ദ ഭൂരിപക്ഷത്തിന്റെ ശംഖനാദമായി പറയേണ്ടത് ഇനിയും പറയുക തന്നെ ചെയ്യും !
