ഡൽഹി: രാജ്യത്ത് കൊറോണ വൈറസ് വ്യാപനം തടയുന്നതിനായി പ്രഖ്യാപിച്ച ലോക്ക് ഡൗൺ മൂലം ദുരിതമനുഭവിക്കുന്ന പാവപ്പെട്ടവർക്ക് ആശ്രയമായി ഡൽഹി ഐയിംസിലെ മലയാളി നഴ്സുമാരുടെ സംഘടനയായ സനാതന സേവാ സമിതി.
ഡൽഹിയിൽ നിന്നും പാലായനം ചെയ്യുന്ന ഇതര സംസ്ഥാനക്കാരായ വഴിയാത്രികർക്കും, ഐയിംസ് പരിസരത്തെ രോഗികൾക്കും, ആശ്രിതർക്കും, ഡൽഹി ആർ.കെ.പുരം സെക്ടർ 7 ഏകതാ വിഹാറിലെ ചേരി നിവാസികൾക്കും അവശ്യ ഭക്ഷണ സാധനങ്ങൾ സനാതന സേവാ സമിതി വിതരണം ചെയ്തു.
വൈറസ് ബാധ മൂലം ദുരിതമനുഭവിക്കുന്ന ഡൽഹിയിലെ പാവപ്പെട്ട ജനങ്ങൾക്കു വേണ്ടി 2001 ഭക്ഷ്യധാന്യ കിറ്റുകൾ സ്വരൂപിച്ച് വിതരണം ചെയ്യുമെന്ന് സനാതന സേവാ സമിതി പ്രവർത്തകർ അറിയിച്ചു.
ഡൽഹി ഐയിംസിലെ മലയാളി നഴ്സുമാരായ ശ്രീജിത്ത്, സുഗീഷ്, ജിനേഷ്, വിപിൻ വിജയൻ , നിരഞ്ജൻ, ശ്രീവത്സൻ, അർജുൻ റാം എന്നിവരാണ് ഈ സേവാ പ്രവർത്തനങ്ങൾക്ക് നേതൃത്വം നൽകിത്.
കഴിഞ്ഞ ആറ് വർഷത്തോളമായി സേവന മേഖലയിൽ പ്രവർത്തിക്കുന്ന സനാതന സേവാ സമിതി നാളിതുവരെ ഒട്ടനവധി സേവാ പ്രവർത്തനങ്ങൾക്ക് ആണ് നേതൃത്വം നൽകിയിരിക്കുന്നത്.
Discussion about this post