കൊല്ലം; ലോക്ക്ഡൗണ് നിര്ദ്ദേശങ്ങള് ലംഘിച്ച് ഡിവൈഎഫ്ഐ നടത്തിയ കൊയ്ത്തുത്സവത്തിന്റെ പേരില് പത്ത് പേര് അറസ്റ്റില്. സംഭവത്തില് കണ്ടാലറിയാവുന്ന എഴുപതോളം പേര്ക്കെതിരെ പോലീസ് കേസ്സെടുത്തു.
ശാസ്താംകോട്ടയ്ക്കടുത്ത് പോരുവഴിയിലാണ് ഡിവൈഎഫ്ഐയുടെ നേതൃത്വത്തില് ഇക്കഴിഞ്ഞ ദിവസം കൊയ്ത്തുത്സവം നടന്നത്. പഞ്ചായത്ത് പ്രസിഡന്റും വൈസ് പ്രസിഡന്റും ഉള്പ്പെടെയുള്ള ജനപ്രതിനിധികളും ഡിവൈഎഫ്ഐയുടെ മുതിര്ന്ന് നേതാക്കളും കൊയ്ത്തുത്സവത്തില് പങ്കെടുത്തിരുന്നു. ലോക്ഡൗണ് നിര്ദ്ദേശങ്ങള് ലംഘിച്ച് നൂറിലധികം പേരെങ്കിലും കൊയ്ത്തുത്സവത്തിന്റെ ഭാഗമായി യാതൊരു സുരക്ഷാ മുന്കരുതലുമില്ലാതെ ഒത്തുകൂടിയതായി പോലീസിനു പരാതി ലഭിച്ചു.മാസ്ക് ധരിക്കുകയോ ഒരു മീറ്റര് അകലം പാലിക്കുകയോ ചെയ്യാതെ ആയിരുന്നു കൊയ്ത്തു നടത്തിയത്.
എന്നാല് പരാതി ലഭിച്ചിട്ടും പൊലീസോ ആരോഗ്യപ്രവര്ത്തകരോ നടപടിയെടുത്തില്ലെന്നും നാട്ടുകാര് ആരോപിക്കുന്നു. സംഭവം വിവാദമായതോടെയാണ് പോലീസ് കേസെടുത്തത്. പുറത്തുനിന്നെത്തിയവര് ഉള്പ്പെടെ ഇരുനൂറോളം പേര് ഗൃഹനിരീക്ഷണത്തില് കഴിയുന്ന സ്ഥലമാണ് പോരുവഴി.
മലനട ക്ഷേത്രത്തിനു തെക്കുള്ള വീട്ടിനാല് ഏലായിലെ അഞ്ചേക്കര് പാടത്ത് ഇവിടത്തെ രണ്ട് കുടുംബശ്രീ ജെ.എല്.ജി. ഗ്രൂപ്പുകളാണ് നെല്ക്കൃഷിയിറക്കിയത്. കൊയ്ത്തിനു സമയമായെന്ന് കുടുംബശ്രീ പ്രവര്ത്തകരുടെ വാക്കുകേട്ട് ഉത്സവമായി ആഘോഷിക്കാന് തീരുമാനിച്ചത് ഡവൈഎഫ്ഐ ആയിരുന്നു.
Discussion about this post