വിറങ്ങലിച്ച് ലോകജനത : കോവിഡ് മഹാമാരിയിൽ മരണം ഒരു ലക്ഷം കടന്നു രോഗബാധിതർ 16 ലക്ഷം

കോവിഡ് മഹാമാരിയിൽ മരണമടഞ്ഞവരുടെ ആഗോള ജനസംഖ്യ ഒരു ലക്ഷം കടന്നു. ഏറ്റവും പുതിയ കണക്കനുസരിച്ച് രോഗബാധയേറ്റ് ഇതുവരെ മരിച്ചവരുടെ എണ്ണം 1,02,734 ആയി. നിരവധി രാജ്യങ്ങളിലായി വൈറസ് ബാധിച്ചവരുടെ എണ്ണം 16,99,630 ആയി.

18,849 രോഗികൾ, അഥവാ ഏറ്റവുമധികം പേർ മരിച്ചത് ഇറ്റലിയിലാണ്.അമേരിക്കയിൽ രോഗബാധിതർ 5 ലക്ഷം കടന്നു. മരിച്ചവരുടെ എണ്ണം 18,747 ആണ്. സ്പെയിനിൽ രോഗബാധിതരുടെ എണ്ണം 1,58,273 ആയി. രാജ്യത്ത് മരിച്ചവരുടെ എണ്ണം 16,000 കടന്നു. ചൈനയിൽ പുതിയതായി 46 കോവിഡ് കേസുകൾ കൂടി റിപ്പോർട്ട് ചെയ്യപ്പെട്ടിട്ടുണ്ട്.