ഡൽഹി: കൊറോണ മഹാമാരിയുടെ വ്യാപനം തടയുന്നതിനായി പ്രഖ്യാപിച്ച് ലോക്ഡൗൺ നീട്ടിയെന്ന് പ്രധാനമന്ത്രി നരേന്ദ്രമോദി. മെയ് മൂന്നുവരെയാണ് നീട്ടിയത്. രാജ്യത്തെ അഭിസംബോധന ചെയ്ത് സംസാരിക്കവെയാണ് അദ്ദേഹം ലോക്ഡൗൺ നീട്ടിയ കാര്യം വ്യക്തമാക്കിയത്.
ലോകത്താകമാനം വ്യാപിച്ചുകൊണ്ടിരിക്കുന്ന കൊറോണ വൈറസിനെ ഇന്ത്യ ഒരുപരിധി വരെ പിടിച്ചുനിര്ത്തിയെന്ന് പ്രധാനമന്ത്രി പറഞ്ഞു. കൊറോണ പ്രതിരോധത്തില് ഇതുവരെ രാജ്യം വിജയിച്ചുവെന്നും മറ്റ് പല രാജ്യങ്ങളിലും ഇന്ത്യയിലേക്കാള് 30%ത്തിലധികം കേസുകളാണ് റിപ്പോര്ട്ട് ചെയ്തിരിക്കുന്നതെന്നും പ്രധാനമന്ത്രി പറഞ്ഞു.
രോഗത്തിനെതിരായ യുദ്ധത്തില് ജനങ്ങള് അച്ചടക്കമുള്ള സൈനികരായെന്നും പ്രധാനമന്ത്രി കൂട്ടിച്ചേര്ത്തു. കൊറോണയെ പ്രതിരോധിക്കുന്നതില് ഇന്ത്യ ആഗോള മാതൃകയായെന്നും തുടക്കത്തിലേ പ്രശ്നം കണ്ടെത്തിയത് ഇന്ത്യയ്ക്ക് തുണയായെന്നും പ്രധാനമന്ത്രി വ്യക്തമാക്കി.
സമൂഹ്യ അകലം പാലിക്കല് തന്നെയാണ് രോഗം തടയാനുള്ള ഏറ്റവും വലിയ മാര്ഗമെന്നും രാജ്യത്ത് പ്രതിരോധ നടപടികള് ശക്തമാക്കുമെന്നും അദ്ദേഹം കൂട്ടിച്ചേര്ത്തു.
Discussion about this post