മഹാരാഷ്ട്രയിലെ പല്ഘറില് സന്യാസിമാരെ ക്രൂരമായി കൊലപ്പെടുത്തിയ സംഭവത്തില് രൂക്ഷ പ്രതികരണവുമായി എറണാകുളം മഹാരാജാസ് കോളേജിലെ ഹിസ്റ്ററി വിഭാഗം പ്രൊഫസര് ആയിരുന്ന വിനയ രാമമൂര്ത്തി. താനൊരു മതേതരവാദിയല്ലെന്നും ഇപ്പോള് അതില് അഭിമാനിക്കുന്നുവെന്നും വിനയരാമമൂര്ത്തി ഫേസ്ബുക്ക് പോസ്റ്റില് കുറിച്ചു.
‘ഞാന് മതേതരത്വത്തെയും മതേതരവാദികളെയും അപലപിക്കുന്നു. എന്നെ സംബന്ധിച്ചിടത്തോളം ഈ പദം ഒരു വലിയ നുണയാണ് ഒരു മതേതരവാദിയല്ല എന്നതില് ഞാന് അഭിമാനിക്കുന്നു ‘- അവര് എഴുതുന്നു.
കാവി ധരിച്ച ഹിന്ദു സന്യാസിമാര് പര്ഘോറില് ദാരുണമായി കൊല്ലപ്പെട്ടിരിക്കുന്നു. അവര് സ്ത്രീകളെ ബലാത്സംഗം ചെയ്ത കുറ്റത്തിനല്ല കൊല്ലപ്പെട്ടത്. പ്രായമായ ആ സന്യാസിമാര്ക്കെതിരെ പോക്സോ ആരോപണങ്ങളൊന്നുമില്ല, അവര് ആസാദി മുദ്രാവാക്യം ഉയര്ത്തിയിട്ടില്ല. സര്ക്കാരിന്റെ ഒരു നിയമവും അവര് ലംഘിച്ചിട്ടില്ല. പക്ഷേ, നിര്ഭാഗ്യവശാല് അവര് ഹിന്ദുക്കളായി പോയി.
ഹിന്ദുക്കള് ഇതുവരെ വോട്ട് ബാങ്കുകളായിട്ടില്ല, അതിനാല് വിലപേശലും ബ്ലാക്ക് മെയിലിംഗും നടത്തുന്നില്ല. അതിനാല് അവര് ക്രൂരമായി കൊലചെയ്യപ്പെട്ടു.
നമ്മുടെ രാജ്യത്തിന്റെ തിരഞ്ഞെടുക്കപ്പെട്ട ജനപ്രതിനിധികളും സ്വാര്ത്ഥവാഹകരായ മാധ്യമങ്ങളും ബുദ്ധിജീവികളുമാണ് അവരുടെ കൊലപാതകികളെക്കാള് വലിയ അപകടകാരികള്. സത്യത്തിന്റെ നട്ടെല്ലോ മനുഷ്യത്വത്തിന്റെ ശക്തിയോ ഇല്ലാത്ത അത്തരം വഞ്ചനാപരമായ ബുദ്ധിജീവികളുടെ നിലപാടിനെ അപലപിക്കുന്നു.
”നിശബ്ദതയ്ക്കുള്ള ശിക്ഷയാണ് മരണം ” എന്ന് ബൈബിള് പറയുന്നു. സമൂഹത്തെ സംബന്ധിച്ച് അവര് ഇതിനകം തന്നെ മരിച്ചവര് തന്നെയാണ്. മരണമല്ലാതെ മറ്റൊന്നും അവര് അര്ഹിക്കുന്നില്ല.
ഞാന് മതേതരത്വത്തെ അപലപിക്കുന്നു. മതേതരവാദികളുടെ നിലപാടിനെ അപലപിക്കുന്നു കാരണം ഈ പ്രയോഗം ഒരു വലിയ നുണയാണ്.ഒരു മതേതരവാദിയല്ലാത്തതില് ഞാന് അഭിമാനിക്കുന്നു”-
– പ്രൊഫസര് വിനയ രാമമൂര്ത്തി വ്യക്തമാക്കി
https://www.facebook.com/permalink.php?story_fbid=1126309617713660&id=100010038974268
Discussion about this post