കൊച്ചി: രാജ്യമാകെ ലോക്ക്ഡൗണ് പ്രഖ്യാപിച്ചിട്ടുള്ള ഈ സാഹചര്യത്തില് പ്രവാസികളെ നാട്ടിലേക്കെത്തിക്കാന് കേന്ദ്ര സര്ക്കാരിനോട് ഇപ്പോള് നിര്ദേശിക്കാനാവില്ലെന്ന് ഹൈക്കോടതി. പ്രവാസികളെ നാട്ടിലെത്തിക്കുകയാണെങ്കിലും ക്വാറന്റൈന് അടക്കമുള്ള സജ്ജീകരണങ്ങള് ഒരുക്കിട്ടുണ്ടോയെന്നും കോടതി സര്ക്കാരിനോട് ആരാഞ്ഞു. പ്രവാസികളെ നാട്ടിലെത്തിക്കണമെന്നാവശ്യപ്പെട്ട് കെ.എം.സി.സി. നല്കിയ ഹര്ജി പരിഗണിക്കുമ്പോഴായിരുന്നു കോടതിയുടെ പരാമര്ശം.
മറ്റു രാജ്യങ്ങള് പ്രവാസികളെ അവരുടെ രാജ്യങ്ങളിലേക്ക് കൊണ്ടുപോകുന്നുണ്ടെന്ന് ഹര്ജിക്കാരന് ചൂണ്ടിക്കാട്ടി. എന്നാല് മറ്റു രാജ്യങ്ങളുടെ നയവും നിയമവുമല്ല നമ്മുടേതെന്നായിരുന്നു കോടതിയുടെ മറുപടി.ഒരു ലക്ഷത്തോളെ പ്രവാസികള് കേരളത്തിലെത്തുമ്പോള് അവരെ കൈകാര്യം ചെയ്യാന് എന്ത് മുന്നൊരുക്കമാണ് നടത്തിയതെന്ന് വ്യക്തമാക്കാനും കോടതി സംസ്ഥാന സര്ക്കാരിനോട് ആവശ്യപ്പെട്ടു. ഇവര്ക്കുള്ള ചികിത്സാ സംവിധാനങ്ങള് എങ്ങനെയാണ്്, ഡോക്ടര്മാര് നഴ്സുമാര് ഇവരെ എത്തരത്തില് വിന്യസിക്കും തുടങ്ങിയ കാര്യങ്ങള് അറിയിക്കാനാണ് നിര്ദ്ദേശം.
പ്രവാസികളെ നാട്ടിലെത്തിക്കാന് കേരളം മാത്രമാണ് ഇത്ര ശക്തമായി ആവശ്യമുന്നയിക്കുന്നതെന്ന് കഴിഞ്ഞ ദിവസം കേന്ദ്ര സര്ക്കാര് അഭിഭാഷകന് കോടതിയില് അറിയിച്ചിരുന്നു. ഹര്ജി മെയ് രണ്ടിന് പരിഗണിക്കാന് മാറ്റി.ഹര്ജിയില് വീഡിയോ കോണ്ഫറന്സിലൂടെയാണ് വാദം കേട്ടത്.
Discussion about this post