കൊല്‍ക്കത്ത: കൊറോണ വൈറസ് ബാധിച്ച് പശ്ചിമബംഗാളില്‍ 57 പേര്‍ മരിച്ചതായി റിപ്പോര്‍ട്ട്. നേരത്തെ ബംഗാള്‍ സര്‍ക്കാര്‍ 18 പേരാണ് സംസ്ഥാനത്ത് മരിച്ചതെന്നാണ് അറിയിച്ചിരുന്നത്. എന്നാല്‍ കേന്ദ്രത്തിന്റെ പ്രത്യേക സംഘം പരിശോധനയ്ക്ക് എത്തിയപ്പോഴാണ് യഥാര്‍ത്ഥ കണക്ക് കൊറോണ ഓഡിറ്റ് കമ്മിറ്റി പുറത്തുവിട്ടത്.
57 പേരില്‍ 39 പേര്‍ക്കും മറ്റ് രോഗങ്ങളുണ്ടെന്നും അതാണ് മരണത്തിന് ആക്കം കൂട്ടിയതെന്നും ആണ് റിപ്പോര്‍ട്ടില്‍ പറയുന്നത്. നേരത്തെ സര്‍ക്കാര്‍ വക്താക്കളും ചീഫ് സെക്രട്ടറി രാജീവ് സിന്‍ഹയും 18 പേര്‍ മാത്രമാണ് മരിച്ചെന്നാണ് മാദ്ധ്യമങ്ങളോട് പറഞ്ഞത്.
ഇക്കാര്യം സംസ്ഥാനത്തെ ഡെത്ത് കമ്മിറ്റിയാണ് സ്ഥിരീകരിച്ചത്. സംസ്ഥാനത്തെ കൊറോണയുമായി ബന്ധപ്പെട്ട നടപടികള്‍ പരിശോധിക്കുന്നതിനായി ദിവസങ്ങള്‍ക്ക് കേന്ദ്രസംഘം ദിവസങ്ങള്‍ക്ക് മുന്‍പ് തന്നെ ബംഗാളില്‍ എത്തിയിരുന്നു. സംസ്ഥാനത്ത് കതൊറോണ ബാധിച്ച് മരിച്ചവരുടെ എണ്ണം സംബന്ധിച്ച്‌ സംഘത്തിന്റെ ചോദ്യത്തിനൊടുവിലാണ് യഥാര്‍ത്ഥ കണക്ക് സര്‍ക്കാരിന് പുറത്തുവിടേണ്ടി വന്നത്. കേന്ദ്ര സംഘത്തിന്റെ തലവന്‍ അപൂര്‍ ചന്ദ്ര കൊറോണ മരണത്തിന്റെ റിപ്പോര്‍ട്ട് സംസ്ഥാന സര്‍ക്കാരിനോട് കത്ത് മുഖേന ആവശ്യപ്പെട്ടിരുന്നു.
ഈ പട്ടികയില്‍ മരണപ്പെട്ടവരുടെ കാരണങ്ങള്‍ മറ്റ് രോഗം ബാധിച്ചാണെന്ന് ഡോക്ടര്‍മാര്‍ സാക്ഷ്യപ്പെടുത്തിയിരുന്നു. ഇതാണ് കേന്ദ്ര സംഘത്തിന് സംശയത്തിനിടയാക്കിയത്. സംസ്ഥാനത്തെ കൊറോണ രോഗികളുടെ കണക്ക് സംബന്ധിച്ച്‌ കേന്ദ്ര സംഘത്തിന് സംശയങ്ങളുണ്ടായിരുന്നു. ഇതിന് പിന്നാലെയാണ് മമത സര്‍ക്കാര്‍ വെളിപ്പെടുത്തലുമായി രംഗത്തെത്തിയത്.
Discussion about this post