തിരുവനന്തപുരം: സംസ്ഥാനത്ത് തിങ്കളാഴ്ച ഒരു പുതിയ ഹോട്ട് സ്പോട്ട് കൂടി ഉള്പ്പെടുത്തി. വയനാട് ജില്ലയിലെ നെന്മേനിയെയാണ് ഹോട്ട്സ്പോട്ടില് ഉള്പ്പെടുത്തിയത്. നിലവില് ആകെ 34 ഹോട്ട്സ്പോട്ടുകളാണുള്ളത്.
സംസ്ഥാനത്ത് തിങ്കളാഴ്ച ഏഴു പേര്ക്ക് കൂടി കൊറോണ സ്ഥിരീകരിച്ചു. കാസര്ഗോഡ് ജില്ലയിലുള്ള നാലു പേര്ക്കും, പാലക്കാട്, മലപ്പുറം, വയനാട് ജില്ലകളിലുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്.
കാസര്ഗോഡ് ജില്ലയിലെ നാലു പേര് മഹാരാഷ്ട്രയില് നിന്നും പാലക്കാട് ജില്ലയിലുള്ളയാള് ചെന്നൈയില് നിന്നും മലപ്പുറം ജില്ലയിലുള്ളയാള് കുവൈറ്റില് നിന്നും കഴിഞ്ഞ ദിവസങ്ങളില് വന്നവരാണ്. വയനാട് ജില്ലയിലുള്ളയാള്ക്ക് സമ്പര്ക്കത്തിലൂടെയാണ് രോഗമുണ്ടായത്.
അതേസമയം രോഗം സ്ഥിരീകരിച്ച് ചികിത്സയിലായിരുന്ന ആരുടേയും പരിശോധനഫലം തിങ്കളാഴ്ച നെഗറ്റീവായിട്ടില്ല. 489 പേരാണ് ഇതുവരെ കൊറോണയിൽ നിന്നു മുക്തി നേടിയത്. 27 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
Discussion about this post