ഡൽഹി: പ്രവാസികൾക്ക് ഏർപ്പെടുത്തിയ വിമാന സർവ്വീസുമായി ബന്ധപ്പെട്ട വിവാദത്തിൽ മുഖ്യമന്ത്രിക്ക് മറുപടിയുമായി കേന്ദ്രമന്ത്രി വി മുരളീധരൻ. മുഖ്യമന്ത്രി കാര്യങ്ങൾ മനസ്സിലാക്കാതെ സംസാരിക്കുകയാണ്. ആരോ അദ്ദേഹത്തെ നിരന്തരം തെറ്റിദ്ധരിപ്പിക്കുകയാണെന്നും കേന്ദ്രമന്ത്രി പറഞ്ഞു.
ഗൾഫിലെ സാഹചര്യം പരിഗണിച്ച് നിബന്ധന വെയ്ക്കരുത്. ദിവസേന 24 വിമാനങ്ങള് കേരളത്തിലേക്ക് വരുമെന്നാണ് കേന്ദ്രം അയച്ച കത്തില് പറഞ്ഞിരുന്നത്. എന്നാല് ആകെ 12 അന്താരാഷ്ട്ര വിമാനങ്ങള്ക്ക് മാത്രമാണ് കേരളം അനുമതി നല്കിയത്. കേരളത്തിലേക്കാണ് ഏറ്റവും കൂടുതല് ആളുകള് വരേണ്ടതെന്ന് മനസ്സിലാക്കണമെന്നും കേന്ദ്രമന്ത്രി പറഞ്ഞു.
മുഖ്യമന്ത്രി പറഞ്ഞതു പോലെയല്ല വസ്തുത. ഒരു മാസത്തില് 360 വിമാനങ്ങള് കേരളത്തിലേക്ക് സര്വീസ് നടത്താനാണ് തീരുമാനിച്ചിരിക്കുന്നത്. അതേസമയം 36 വിമാനങ്ങള് മാത്രമേ ചാര്ട്ട് ചെയ്തിട്ടുള്ളുവെന്നും കൂടുതല് ചാര്ട്ട് ചെയ്താല് അനുവാദം കൊടുക്കാമെന്നുമാണ് മുഖ്യമന്ത്രി കഴിഞ്ഞ ദിവസം പറഞ്ഞത്. തൊഴിലുടമകള്ക്ക് ചാര്ട്ടേര്ഡ് വിമാനം അയക്കാമെന്ന നിര്ദേശം സംസ്ഥാന സര്ക്കാര് അയച്ച കത്തില് പറഞ്ഞിട്ടില്ലെന്നും കേന്ദ്രമന്ത്രി കൂട്ടിച്ചേർത്തു.
Discussion about this post