ന്യൂഡൽഹി : കോവിഡ് ബാധ മൂലമുണ്ടാകുന്ന മരണം തടയുന്നതിനായി കേന്ദ്രം വിദഗ്ധസമിതിയെ നിയോഗിച്ചു.രാജ്യത്ത് കോവിഡ് ബാധിച്ചു മരിക്കുന്നവരുടെയെണ്ണം ദിനംപ്രതി വർദ്ധിച്ചു വരുന്ന സാഹചര്യത്തിലാണ് കേന്ദ്രം വിദഗ്ധ സമിതിയെ നിയോഗിച്ചത്.ഡൽഹി ഓൾ ഇന്ത്യ മെഡിക്കൽ ഇൻസ്റ്റിറ്റ്യൂട്ടിലെ വിദഗ്ധരെ ഉൾപ്പെടുത്തിയാണ് സമിതി രൂപീകരിച്ചിട്ടുള്ളത്.വിദഗ്ദ്ധ സമിതിയുമായി സംസ്ഥാനങ്ങൾക്ക് ആശയ വിനിമയം നടത്തുന്നതിന് സംസ്ഥാനങ്ങളിൽ നോഡൽ ഓഫീസർമാരെ നിയമിക്കണമെന്ന് ആരോഗ്യവകുപ്പ് സെക്രട്ടറി പ്രീതി സുഡാൻ ആവശ്യപ്പെട്ടിട്ടുണ്ട്.
വിദഗ്ദ്ധ സമിതിയുമായി ബന്ധപ്പെട്ട് ഗുരുതരാവസ്ഥയിലുള്ള രോഗികളിൽ ശരിയായ ചികിത്സ ലഭ്യമാക്കണമെന്നാണ് കേന്ദ്രത്തിന്റെ നിർദേശം.കോവിഡ് ബാധ മൂലമുണ്ടാകുന്ന മരണ നിരക്ക് കുറക്കുക, രോഗ വ്യാപനം തടയുക എന്നിവയാണ് വിദഗ്ദ്ധ സമിതിയെ നിയമിക്കുന്നതിലൂടെ കേന്ദ്രത്തിന്റെ ലക്ഷ്യം.
