ലോകത്തെ മൂന്നാമത്തെ സാമ്പത്തിക ശക്തിയെന്ന സ്ഥാനം ഇന്ത്യ ശക്തിപ്പെടുത്തിയെന്നു ലോക ബാങ്ക്. വാങ്ങല് ശേഷി തുല്യതയുടെ അടിസ്ഥാനത്തിലാണിത്.
ആഗോള മൊത്തം സമ്പദ്വ്യവസ്ഥയുടെ (11954700 കോടി ഡോളര്) 6.7% ആണ് ഇന്ത്യയുടെ സമ്പദ് വ്യവസ്ഥ (805100 കോടി ഡോളര്). ഒന്നാം സ്ഥാനത്തുള്ള ചൈനയ്ക്ക് 16.4% പങ്കാളിത്തവും രണ്ടാം സ്ഥാനത്തെ യുഎസിന് 16.3% പങ്കാളിത്തവുമാണ്. 2017 അടിസ്ഥാനമാക്കിയുള്ള പിപിപി ആണ് ലോക ബാങ്ക് ഇപ്പോള് പുറത്തുവിട്ടിരിക്കുന്നത്.
2021-ലാണ് ഇനി കണക്കുകള് പ്രഖ്യാപിക്കുന്നത്. വിവിധ കറന്സികളുടെ വാങ്ങല് ശേഷി തുല്യതയാണ് പിപിപി ആയി അളക്കുക. വിദേശനാണ്യവിനിമയ നിരക്കുമായി ഇതിനു ബന്ധമില്ല. ഒരേ ഉല്പന്നത്തിന് വിവിധ രാജ്യങ്ങളിലെ വില താരതമ്യപ്പെടുത്തിയാണ് ഓരോ കറന്സിയുടെയും യഥാര്ഥ വാങ്ങല്ശേഷി കണക്കാക്കുന്നത്.
Discussion about this post