ഡോ. കെ. എസ്. രാധാകൃഷ്ണന്‍
In Facebook
എന്തിനാണ് കോണ്‍ഗ്രസ്സുകാര്‍ ചൈനയില്‍ നിന്നും പണം പറ്റിയത്? അതും വെറും കോണ്‍ഗ്രസ്സുകാരല്ല, സോണിയ, രാഹുല്‍, പ്രിയങ്ക, ചിദംബരം, ഡോ. മന്‍മോഹന്‍ സിംഗ്, മോണ്ടെസിംഗ് അലൂവാലിയ എന്നിവരുടെ നേതൃത്വത്തിലുള്ള രാജീവ് ഗാന്ധി ഇന്‍സ്റ്റിറ്റ്യൂട്ടാണ് ചൈനയില്‍ നിന്ന് പണം കൈപ്പറ്റിയത്. ഇവരില്‍ മന്‍മോഹന്‍ സിംഗും അലൂവാലിയയും ഒഴികെയുള്ളവരെല്ലാം സാമ്പത്തിക ക്രമക്കേട് നടത്തിയതിനു കോടതി നടപടികള്‍ നേരിട്ടുകൊണ്ടിരിക്കുന്നവരാണ്. ചൈനയുടെ സുഗമമായ വ്യാപാരബന്ധം ഉറപ്പാക്കുന്നതിനാവശ്യമായ പഠനം നടത്തണം എന്നതായിരുന്നു പ്രധാനമായും പുറത്ത് പരക്കുന്ന കാരണം.
ചൈന, നീതിരഹിതവും,അതാര്യവും അധാര്‍മ്മികവുമായ രാഷ്ട്രീയ വ്യവഹാര രീതി അനുവര്‍ത്തിക്കുന്ന രാഷ്ട്രമാണ്. ചൈനയുടെ താല്പര്യത്തിനു വേണ്ടി കൈക്കൂലി നല്‍കുന്നതിനും പണം മാറ്റിവെച്ചിട്ടുണ്ട് ആ രാജ്യം. ആ പണത്തിന് സൂക്ഷ്മപരിശോധനയില്ല. അതില്‍ തിരിമറി നടത്തിയതിന്റെ പേരില്‍ പല ചൈനക്കാരും വധശിക്ഷ നേരിട്ടിട്ടും ഉണ്ട്. ഈ ചൈനയുമായി ഏതു തരത്തിലുള്ള കരാറാണ് ഉണ്ടാക്കിയത് എന്ന് സോണിയ കുടുബവും അവരുടെ കൈവേലക്കാരും വെളിവാക്കുകതന്നെ വേണം. ഇന്ത്യയുടെ പ്രധാനമന്ത്രിയും ധനകാര്യ/രാജ്യരക്ഷ/ആഭ്യന്തര വകുപ്പുകള്‍ പലപ്പോഴായി കൈകാര്യം ചെയ്ത ചിദംബരവും ഈ നെറികെട്ട പണിക്ക് കൂട്ടുനിന്നു എന്നത് അമ്പരപ്പ് ഉണ്ടാകുന്നു. എന്തെല്ലാം സുരക്ഷാ രഹസ്യങ്ങള്‍ ചൈനയ്ക്ക് ഇവര്‍ കൈമാറിയിരിക്കില്ല!
പൂച്ച കറുത്തതായാലും വെളുത്തതായാലും എലിയെ പിടിക്കണമെന്ന കാടന്‍ നീതി വ്യവസ്ഥയില്‍ വിശ്വസിക്കുന്ന അപരിഷ്‌കൃത ഭരണവ്യവസ്ഥ നിലനില്‍ക്കുന്ന ചൈന, അവരുടെ ലാഭത്തിന് വേണ്ടി മാത്രമെ പണം മുടക്കുകയുള്ളു. സോണിയ കുടുംബവും അവരുടെ കൈവേലക്കാരും എന്ത് സേവനമാണ് ചൈനക്ക് വേണ്ടി നല്‍കിയത്? ഇന്ത്യന്‍ നാഷണല്‍ കോണ്‍ഗ്രസിന്റെ അറിവും സമ്മതവും ഈ കാര്യത്തില്‍ ഉണ്ടായിരുന്നോ? രാജ്യരക്ഷാ മന്ത്രിയായിരുന്ന കാലയളവില്‍ ഒരു തോക്ക്‌പോലും വാങ്ങാതെ ഇന്ത്യന്‍ സേനയെ ദുര്‍ബലപ്പെടുത്തിയ ആന്റണി ചൈനയുടെ താല്പര്യം സംരക്ഷിക്കുന്നതിനു വേണ്ടിയായിരുന്നോ അങ്ങനെ ചെയ്തത്?
ഈ ചോദ്യങ്ങള്‍ക്ക് ഉത്തരം നല്‍കാനുള്ള ബാധ്യത സോണിയ കുടുംബത്തിനും അവരുടെ കൈവേലക്കാര്‍ക്കും ഉണ്ട്. ഉത്തരം ലഭിക്കാനുള്ള അവകാശം ഇന്ത്യന്‍ ജനതയ്ക്കും ഉണ്ട്.
ഭാരത് മാതാ കീ ജയ് എന്ന് മുദ്യാവാക്യം മുഴക്കിയ ഇന്ത്യന്‍ നാഷണല്‍ കോണ്‍ഗ്രസ്സിന്റെ രാജ്യസ്‌നേഹം സംശയാതീതമായിരിരുന്നു. മുസ്ലീം ലീഗ്, കമ്മ്യൂണിസ്റ്റ് പാര്‍ട്ടി എന്നിവരൊന്നും ഭാരത് മാതാ കീ ജയ് എന്നു പറഞ്ഞിരുന്നില്ല. ഗാന്ധിജി ഈ മുദ്രവാക്യം വിളിച്ചപ്പോള്‍ ഇന്ത്യന്‍ ജനത അത് ഏറ്റുവിളിച്ചു. ഒപ്പം മഹാത്മാ ഗാന്ധി കീ ജയ് എന്ന് അവര്‍ ആര്‍ത്തുവിളിക്കുകയും ചെയ്തു. ഈ മുദ്രവാക്യങ്ങളോട് കമ്മ്യൂണിസ്റ്റ് പാര്‍ട്ടിക്കും മുസ്ലീം ലീഗിനും അലര്‍ജിയായിരുന്നു. ആ കോണ്‍ഗ്രസ്സിന്റെ അവക്ഷിപ്തം ഇന്ന് രാജ്യദ്രോഹത്തിന്റെ പേരില്‍ ജനമനസുകളില്‍ വിചാരണ നേരിടുന്നു. അലന്‍ ഒക്ടോവിയന്‍ ഹ്യൂം എന്ന പരദേശി തുടക്കം കുറിച്ച കോണ്‍ഗ്രസ്സ്, സോണിയ ഗാന്ധി എന്ന അപരനാമത്തില്‍ അറിയപ്പെടുന്ന ഇറ്റലിക്കാരിയുടെ കാര്‍മ്മികത്വത്തില്‍ മരണത്തിലേക്ക് നീങ്ങുന്നു; അതും രാജ്യദ്രോഹ കുറ്റാരോപിതരായി…!?
