ജനീവ : ചൈനയ്ക്കെതിരെ നടപടികളുമായി ഐക്യരാഷ്ട്ര സംഘടന.കമ്മ്യൂണിസ്റ്റ് ചൈനയിലെ ടിബറ്റ്, ക്സിങ്ജിയാങ് പ്രവിശ്യകളിലെ ന്യൂനപക്ഷ ജനതയുടെ താല്പര്യങ്ങൾ, ചൈനീസ് ജനതയുടെ മൗലികാവകാശങ്ങൾ സംരക്ഷിക്കുന്നതിനെ കുറിച്ചായിരുന്നു യു.എൻ വിദഗ്ധരുടെ ഉന്നതതലയോഗം.ഐക്യരാഷ്ട്ര സംഘടനയുടെ മനുഷ്യാവകാശ വിഭാഗത്തിലെ ഹൈ കമ്മീഷണർ ആണ് ഇക്കാര്യം പുറത്തുവിട്ടത്.
സ്വയം ഭരണാധികാരമുള്ള പ്രത്യേക ഭരണ പ്രദേശമായ ഹോങ്കോങ്ങിൽ നടക്കുന്ന പ്രക്ഷോഭങ്ങളെക്കുറിച്ചും ചർച്ചയിൽ പരാമർശം ഉണ്ടായി.വനിതാ പ്രക്ഷോഭകർക്കെതിരെ പോലീസുകാർ നടത്തുന്ന ലൈംഗിക അതിക്രമങ്ങൾ, ആരോഗ്യ വിദഗ്ധർ നേരിടേണ്ടി വരുന്ന തിക്താനുഭവങ്ങൾ, പ്രക്ഷോഭകർക്ക് നേരെ രാസവസ്തുക്കൾ ഉപയോഗിക്കുന്ന പോലീസ് നടപടിയെന്നിവ അവസാനിപ്പിക്കണമെന്ന് യോഗത്തിനു ശേഷം യു.എൻ ഉദ്യോഗസ്ഥർ ചൈനയോട് ആവശ്യപ്പെട്ടു.
Discussion about this post