ന്യൂഡൽഹി : പ്രധാനമന്ത്രി നരേന്ദ്ര മോദിയുടെ അപ്രതീക്ഷിത ലഡാക്ക് സന്ദർശനത്തിനു വേണ്ട തയ്യാറെടുപ്പുകൾ നടത്തിയത് ദേശീയ സുരക്ഷാ ഉപദേഷ്ടാവ് അജിത് ഡോവലാണെന്ന് റിപ്പോർട്ട്.യുദ്ധമുഖത്തെ പ്രധാനമന്ത്രിയുടെ അപ്രതീക്ഷിത സന്ദർശനം ആഗോളതലത്തിൽ പ്രതികരണങ്ങൾ ഉണ്ടാക്കിയിരുന്നു.വ്യോമസേനാ ഹെലികോപ്റ്ററിൽ, പരിമിതമായ സുരക്ഷാ വിഭാഗത്തോടൊപ്പമാണ് പ്രധാനമന്ത്രി സന്ദർശിച്ചത്.ഇന്നലെ രാവിലെയാണ് മുൻകൂർ പ്രഖ്യാപനങ്ങൾ ഇല്ലാതെ പ്രധാനമന്ത്രിയെ അപ്രതീക്ഷിതമായി സന്ദർശിച്ചത്.
നിമുവിലെ 14 കോർപ്സ് ഹെഡ് ക്വാർട്ടേഴ്സിലാണ് പ്രധാനമന്ത്രിയുടെ ഹെലികോപ്റ്റർ ആദ്യം ഇറങ്ങിയത്.സൈനികരെ അഭിസംബോധന ചെയ്ത് സംസാരിച്ച പ്രധാനമന്ത്രി നരേന്ദ്രമോദി,ഗൽവാൻ ഏറ്റുമുട്ടലിൽ പരിക്കേറ്റ് ലേയിലെ ആശുപത്രിയിൽ ചികിത്സയിൽ കഴിയുന്ന ജവാന്മാരെയും സന്ദർശിച്ചു.സി.ഡി.എസ് ജനറൽ ബിപിൻ റാവത്ത്, കരസേനാ മേധാവി ജനറൽ മനോജ് മുകുന്ദ് നരവനെ എന്നിവരും പ്രധാനമന്ത്രിയെ അനുഗമിച്ചിരുന്നു.
Discussion about this post