കോവിഡ് മാർഗനിർദേശങ്ങൾ നൽകുന്നതിനായി രാത്രി ആകാശത്ത് മുന്നൂറോളം ഡ്രോണുകൾ തെളിയിച്ച് ദക്ഷിണ കൊറിയ.ദക്ഷിണ കൊറിയയിലെ സോളിലാണ് കോവിഡ് വ്യാപനം തടയാൻ പാലിക്കേണ്ട നിർദേശങ്ങൾ വ്യക്തമാക്കിക്കൊണ്ടും ആരോഗ്യ പ്രവർത്തകർക്ക് നന്ദി അറിയിച്ചുകൊണ്ടും ദീപാലംകൃതമായ ഡ്രോണുകൾ അണിനിരന്നത്.
10 മിനിറ്റോളം ഡ്രോണുകൾ ആകാശത്ത് വിസ്മയം തീർത്തു.സോളിലെ ഹാൻ നദിയുടെ മുകളിലായി മാസ്ക് ധരിച്ച മനുഷ്യരുടെ ചിത്രവും, സാനിട്ടൈസർ ഉപയോഗിച്ച് കൈകഴുകുന്ന ചിത്രവും, ആരോഗ്യ പ്രവർത്തകരുടെ ചിത്രവും ഡ്രോണുകളിലൂടെ ചിത്രീകരിച്ചു.ദക്ഷിണ കൊറിയയുടെ ലാൻഡ്-ഇൻഫ്രാസ്ട്രക്ച്ചർ-ട്രാൻസ്പോർട് മന്ത്രാലയമാണ് ‘ഡ്രോൺ ആർട്ട് ഫ്ലാഷ് മോബ്’ ആസൂത്രണം ചെയ്ത് നടപ്പിലാക്കിയത്.
Discussion about this post