മുംബൈ : രാജ്ഭവനിലെ 18 ഉദ്യോഗസ്ഥർക്ക് കൊറോണ സ്ഥിരീകരിച്ചതിനെ തുടർന്ന് മഹാരാഷ്ട്ര ഗവർണർ ഭഗത് സിംഗ് കോശ്യാരി സ്വയം ഐസൊലേഷനിൽ പ്രവേശിച്ചു. കഴിഞ്ഞ ആഴ്ചയിൽ രാജ്ഭവനിലെ 2 ജീവനക്കാർക്ക് കൊറോണ സ്ഥിരീകരിച്ചിരുന്നു. തുടർന്ന്, രാജ്ഭവനിലെ നൂറോളം ജീവനക്കാരെ പരിശോധനയ്ക്ക് വിധേയമാക്കുകയായിരുന്നു.ഈ പരിശോധനയിലാണ് 16 പേർക്ക് കൂടി കോവിഡ് സ്ഥിരീകരിച്ചത്.രാജ്ഭവനിലെ മുതിർന്ന ഉദ്യോഗസ്ഥർക്കാണ് കോവിഡ് സ്ഥിരീകരിച്ചിട്ടുള്ളത്.
രാജ്യത്ത് കോവിഡ് ഏറ്റവും രൂക്ഷമായി ബാധിച്ച സംസ്ഥാനമാണ് മഹാരാഷ്ട്ര. ഇതുവരെ സംസ്ഥാനത്ത് റിപ്പോർട്ട് ചെയ്തത് 2,46,600 പോസറ്റീവ് കേസുകളാണ്.ഇന്നലെ മാത്രം 8,139 പുതിയ കോവിഡ് കേസുകൾ മഹാരാഷ്ട്രയിൽ റിപ്പോർട്ട് ചെയ്തു.
