മലയാളത്തിലെ ഹിറ്റ് സിനിമകളുടെ സംവിധായകനാണ് പ്രിയദര്ശന്. ഇപ്പോഴിതാ തന്റെ ദൗര്ബല്യമായ നടനെക്കുറിച്ച് തുറന്നു പറഞ്ഞിരിക്കുകയാണ് അദ്ദേഹം.
ഡയലോഗ് കയ്യില് നിന്നിട്ട് പറയാന് താന് ഒരാളെയും അനുവദിക്കില്ലെന്നും എന്നാല് കുതിരവട്ടം പപ്പുവിനെ മാത്രമാണ് അതിന് അനുവദിക്കുന്നതെന്നും പ്രിയദര്ശന് പറഞ്ഞു.
“പപ്പു ചേട്ടന് എന്റെ വലിയ ഒരു വീക്നെസ് ആയിരുന്നു. അതായത് ഞാന് സിനിമ കാണുന്ന കാലത്ത് ‘ഈറ്റ’ മുതലുള്ള സിനിമകള് എടുത്തു നോക്കിയാല് അന്ന് ജഗതി അധികം സിനിമയില് അഭിനയിക്കുന്ന സമയമല്ല. അവര്ക്കിടയ്ക്ക് മാത്രമേ വരാറുള്ളൂ. എനിക്ക് തോന്നുന്നത് സാധാരണ ഞാന് ഒരിക്കലും ഒരു ആക്ടറിനെ ഞാന് എഴുതി വച്ചിരിക്കുന്നതിനു മുകളില് ഡയലോഗ് പറയാന് സമ്മതിക്കാറില്ല. കാരണം എന്തെന്നാല് അവരത് പറഞ്ഞു കഴിഞ്ഞാല് അടുത്ത ഡയലോഗ് രീതി ചിലപ്പോള് മാറിപ്പോയേക്കാം. പക്ഷെ ഞാന് ഒരാള്ക്ക് മാത്രമേ അതിന് അനുവാദം കൊടുക്കാറുള്ളൂ. അത് പപ്പു ചേട്ടന് മാത്രമാണ്”. പ്രിയദര്ശന് വ്യക്തമാക്കി.
Discussion about this post